مەملەكەت باسشىسى ەسەپ كوميتەتىنىڭ ءتوراعاسى ناتاليا گودۋنوۆانى قابىلدادى
قاسىم-جومارت توقايەۆقا 2021-جىلى جۇرگىزىلگەن اۋديتورلىق جانە ساراپتامالىق-تالداۋ جۇمىستارىنىڭ نەگىزگى قورىتىندىلارى تۋرالى مالىمەت بەرىلدى.
بىلتىر جالپى 32 تريلليون تەڭگەدەن استام بيۋجەت قاراجاتى بويىنشا 155 نىسانعا 21 اۋديتورلىق تەكسەرۋ جۇرگىزىلگەن. انىقتالعان بارلىق زاڭ بۇزۋشىلىقتار بويىنشا ءتيىستى شارالار قابىلدانىپ، ونىڭ ماتەريالدارى قۇقىق قورعاۋ ورگاندارىنا جولداندى.
ناتاليا گودۋنوۆا مەملەكەت باسشىسىنىڭ تاپسىرمالارىن ورىنداۋ اياسىندا كۆازيمەملەكەتتىك سەكتورعا جۇرگىزىلگەن اۋديتتىڭ اياقتالعانىن، ارناۋلى ەكونوميكالىق ايماقتاردىڭ قىزمەتىنە، جەر رەسۋرستارىن باسقارۋ جۇيەسىنە، توكيوداعى وليمپيادا ويىندارىنا دايىندىققا جانە پاندەميامەن كۇرەسكە بولىنگەن قاراجاتتىڭ ءتيىمدى جۇمسالۋىنا باعالاۋ جۇرگىزىلگەنىن حابارلادى.
كەزدەسۋ قورىتىندىسى بويىنشا پرەزيدەنت جاڭا ەكونوميكالىق ساياساتتى ىسكە اسىرۋ جانە مەملەكەتتىك اۋديت جۇيەسىن دامىتۋ اياسىنداعى ەسەپ كوميتەتىنىڭ قىزمەتىنە قاتىستى ءبىرقاتار ناقتى تاپسىرما بەردى.
