قۇمار اقساقالوۆ: جاس انا ايگەرىم قازەزوۆانىڭ ولىمىنە قاتىستى ناقتى شەشىمدەر قابىلداندى

پەتروپاۆل. قازاقپارات - سولتۇستىك قازاقستان وبلىسىنىڭ اكىمى ايگەرىم قازەزوۆانىڭ ولىمىنە قاتىستى الەۋمەتتىك جەلىدە جازبا قالدىردى، دەپ حابارلايدى قازاقپارات ءتىلشىسى.

ءوڭىر باسشىسى قۇمار اقساقالوۆ جاس انا ايگەرىم قازەزوۆانىڭ ولىمىنە قاتىستى ءىستى نازاردا ۇستادى. بۇعان دەيىن وبلىس اكىمى ارنايى كوميسسيا قۇرىلىپ، تاۋەلسىز ساراپشىلار تارتىلاتىندىعىن ايتقان ەدى. ال فاكت راستالعان جاعدايدا، كىنالىلەر زاڭعا سايكەس قاتاڭ جازاعا تارتىلىپ، قىزمەتىنەن بوساتىلادى. بۇگىن قۇمار اقساقالوۆ الەۋمەتتىك جەلىدە جاڭا جازبا قالدىرىپ، ايگەرىم قازەزوۆانىڭ ولىمىنە قاتىستى ناقتى شەشىمدەر قابىلدانعانىن ايتتى.

«ناۋقاس ايگەرىم قازەزوۆانىڭ ولىمىنە قاتىستى وبلىستا تاۋەلسىز كوميسسيا جۇمىس ىستەدى. جان- جاقتى تەكسەرۋ جۇرگىزىلىپ، ونىڭ بارىسىندا بارلىق فاكتىلەر راستالدى. وسىعان بايلانىستى ناقتى شەشىمدەر قابىلداندى. قىزمەتىنەن بوساتىلعاندار: يۋريي بەلونوگ - كوپسالالى وبلىستىق اۋرۋحانانىڭ باس ديرەكتورى؛ اناتولي رافالسكي - تايىنشا اۋداندىق اۋرۋحاناسىنىڭ ديرەكتورى»، - دەلىنگەن جازبادا.

بۇعان دەيىن س ق و دەنساۋلىق ساقتاۋ باسقارماسىنىڭ باسشىسى نۇرلان ايمانوۆ انا ءولىمىن جاسىرۋ فاكتىسىنە قاتىستى تۇسىنىك بەرگەن ەدى.

اۆتور: اقەركە داۋرەنبەك قىزى