ولجاس بەكتەنوۆ ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى لاۋازىمىنا تاعايىندالدى
مەملەكەت باسشىسىنىڭ وكىمىمەن ولجاس اباي ۇلى بەكتەنوۆ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەتتىڭ) ءتوراعاسىنىڭ ءبىرىنشى ورىنباسارى لاۋازىمىنان بوساتىلدى. «ولجاس اباي ۇلى بەكتەنوۆ قازاقستان رەسپۋبليكاسىنىڭ سىبايلاس جەمقورلىققا قارسى ءىس- قيمىل اگەنتتىگىنىڭ (سىبايلاس جەمقورلىققا قارسى قىزمەتتىڭ) ءتوراعاسى لاۋازىمىنا تاعايىندالسىن» دەلىنگەن پرەزيدەنت قول قويعان جارلىقتا.
بەكتەنوۆ ولجاس اباي ۇلى 1980 -جىلى 13-جەلتوقساندا الماتى قالاسىندا تۋعان. قازاق مەملەكەتتىك زاڭ اكادەمياسىن (2001 ج. ) ۇزدىك بىتىرگەن، ماماندىعى «زاڭگەر».
2002-2005 -جىلدارى الماتى قالاسى ادىلەت باسقارماسى ءبولىمىنىڭ باس مامانى. 2005-2006 -جىلدارى ق ر پرەمەر- ءمينيسترى كەڭسەسىنىڭ زاڭ ءبولىمىنىڭ ساراپشىسى، باس ساراپشىسى.
2006-2009 -جىلدارى ق ر پرەزيدەنتى اكىمشىلىگىندە جۇمىس جاسادى.
2009-2012 -جىلدارى ق ر ادىلەت مينيسترلىگىنىڭ تىركەۋ قىزمەتى جانە قۇقىقتىق كومەك كورسەتۋ كوميتەتى ءتوراعاسىنىڭ ورىنباسارى. 2012-2014 -جىلدارى ق ر ەكونوميكالىق قىلمىسقا جانە سىبايلاس جەمقورلىققا قارسى اگەنتتىگىنىڭ (قارجى پوليتسياسى) ورتالىق اپپاراتىندا دەپارتامەنت باستىعى.
2015-2016 -جىلدارى استانا قالاسى اكىمىنىڭ اپپارات باسشىسى، ق ر پرەزيدەنتى اكىمشىلىگى باسشىسى حاتشىلىعىنىڭ مەڭگەرۋشىسى. 2016-2017 -جىلدارى سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ (سىبايلاس جەمقورلىققا قارسى قىزمەت) استانا قالاسى بويىنشا دەپارتامەنتىنىڭ باسشىسى.
2017-2018 -جىلدارى اقمولا وبلىسى اكىمىنىڭ ورىنباسارى. 2018-2019 -جىلدارى قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى.
2019 -جىلدىڭ ماۋسىمىنان باستاپ قازاقستان رەسپۋبليكاسىنىڭ سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ءبىرىنشى ورىنباسارى قىزمەتىن اتقاردى. Ⅱ دارەجەلى «ايبىن» وردەنىمەن ناگرادتالعان (2014 ج.).
