زەلەنسكي ۋكراينادا جاپپاي جۇمىلدىرۋ جۇرگىزىلەتىنى تۋرالى قاۋلى شىعاردى
اتالعان قۇجات مەملەكەتتىڭ سايتىندا جاريالاندى، دەپ حابارلايدى قازاقپارات ۋكرينفورم اگەنتتىگىنە سىلتەمە جاساپ.
موبيليزاتسيالاۋ ۆيننيتسا، ۆولىن، دنەپتروپەتروۆ، دونەتسك، جيتيمور، زاكارپات، زاپوروجە، يۆانو- فرانكوۆسك، كيەۆ، كيروۆوگراد، لۋگانسك، لۆوۆ، نيكولايەۆ، ودەسسا، پولتاۆا، ريۆنەنسك، سۋمى، تەرنوپول، حاركوۆ، حەرسون، حمەلنيسكي، چەركاس، چەرنوۆسى، چەرنيگوۆ وبلىستارى مەن كيەۆ قالاسىنىڭ اۋماعىندا جۇرەتىن بولادى. ول جارلىق كۇشىنە ەنگەن كۇننەن باستاپ 90 تاۋلىك ىشىندە جۇرەدى. سونداي-اق جارلىقتا اسكەري مىندەتتىلەردى، رەزەرۆيستەردى شاقىرۋ جانە قارۋلى كۇشتەردىڭ، ۇلتتىق ۇلاننىڭ، ۋكراينانىڭ قاۋىپسىزدىك قىزمەتىنىڭ، مەملەكەتتىك شەكارا قىزمەتىنىڭ، مەملەكەتتىك ارنايى كولىك قىزمەتىنىڭ، مەملەكەتتىك ارنايى بايلانىس جانە اقپاراتتى قورعاۋ قىزمەتىنىڭ، ۋكراينانىڭ باسقا دا اسكەري قۇرىلىمدارىنىڭ جۇمىسىن قامتاماسىز ەتۋ ماقساتىندا كولىك قۇرالدارىن تاراتۋ قاراستىرىلعان.
