رەسەيگە قارسى سانتسكيالار لەگى باستالدى
گەرمانيا ماسكەۋدىڭ ۋكرايناعا قاتىستى ارەكەتىنەن كەيىن جوبانى سەرتيفيكاتتاۋدى توقتاتاتىنىن مالىمدەدى. ەۋروپانىڭ ءبىرقاتار ەلى جاقىندا عانا ا ق ش ارەكەتتەرىنە قارسى سىن ايتقان- دى.
سارسەنبىنىڭ كەشىندە اق ءۇي دە سانكتسيا جاريالايتىنىن حابارلادى. الايدا ۆاشينگتون ول شارالارعا نە كىرەتىنىن ءالى ناقتىلاعان جوق. ا ق ش مەملەكەتتىك دەپارتامەنتىنىڭ وكىلى نەد پرايس «ءبىزدىڭ گەرمانيالىق وداقتاستارىمىز رەسەي فەدەراتسياسىنا قارسى «سولتۇستىك اعىن-2» قۇبىرىن بەلگىسىز مەرزىمگە توقتاتۋعا قاتىستى باتىل شەشىم قابىلدادى. پرەزيدەنت بايدەن باسقارۋشى كومپانياعا جانە ونىڭ لاۋازىمدى تۇلعالارىنا قارسى سانكتسيالاردى ماقۇلدادى»، دەدى.
«سولتۇستىك اعىنعا» پاراللەل جۇرەتىن قۇبىر وتكەن جىلدىڭ كۇزىندە تولىعىمەن اياقتالدى. ءبىراق بۇل ءىس سىنعا الىندى. جوبا ا ق ش سانكتسيالارىنا بايلانىستى ەۋروپالىق كومپانيالاردىڭ جوبادان ۇنەمى كەتىپ وتىرعانىنا قاراماستان تاپسىرىلدى. جۇيەنىڭ جوبالىق قۋاتتىلىعى جىلىنا 55 ميلليارد تەكشە مەتردى قۇرايدى. ەندى ەۋروپالىق سانكتسيالاردىڭ جاڭا پاكەتى قۇبىرعا دا اسەر ەتۋى مۇمكىن دەگەن بولجام بار.
الداعى ءبىر- ەكى كۇندە ەۋروپا وداعىنىڭ باسشىلارى توتەنشە سامميتتە جاعدايدى تالقىلاۋى كەرەك. سەيسەنبىدە ەۋروپا وداعى رەسەيلىك ءبىرقاتار شەنەۋنىك پەن بانك ۇيىمدارىنا قارسى سانكتسيالار ەنگىزەتىنى تۋرالى جاريالاعانىن ەستەرىڭىزگە سالا كەتەيىك.
سۆەتلانا عالىمجان قىزى
egemen.kz
