قازاقستان- قىتاي شەكاراسىنداعى دوستىق ستانتسياسىندا جۇك تيەۋ تەرمينالى سالىنادى
الماتى وبلىسىنىڭ اكىمى قانات بوزىمبايەۆتىڭ سوزىنشە، ەكسپورتتىق، سونداي- اق يمپورتتىق باعىتتا جۇكتەردى اۋىستىرىپ تيەۋگە، ساقتاۋعا جانە قويمالاۋعا باعىتتالعان اۋقىمدى جوبالاردى جۇزەگە اسىرۋ جوسپارلانۋدا.
مىسالى، «DAR RAIL Infrastructure « كومپانياسىنىڭ دوستىق ستانتسياسىنداعى قۇنى 25 ميلليارد تەڭگە بولاتىن، 150 جۇمىس ورنىن قۇراتى جۇك تيەۋ تەرمينالىنىڭ قۇرىلىسىن ايتۋعا بولادى. جوبا قازاقستان- قىتاي شەكاراسى ارقىلى وتەتىن جىلىنا 9 ميلليون تونناعا دەيىن جۇك پەن 300 مىڭ كونتەينەردى تيەۋدى، ساقتاۋدى جانە قويمالاۋ كوزدەلگەن. مينەرالدىق شيكىزاتتى ءوندىرۋ جانە قايتا وڭدەۋ سالاسىنا دا باسا نازار اۋدارىلاتىن بولادى. وبلىستا ۋران- كومىر كەن ورىندارىنىڭ بىرەگەي قورلارى، سونداي- اق مارگانەتس، ۆولفرام، التىننىڭ بەكىتىلگەن قورلارى، پايدالى قازبالاردىڭ ۇلكەن كولەمدى كەن ورىندارى بار.
«دۇرىس جۇمىس جۇرگىزە وتىرىپ، تۋريزم سالاسىن ەكونوميكانىڭ تولىققاندى درايۆەرىنە اينالدىرۋعا بولادى. الماتى تاۋ كلاستەرى، الاكول جانە بالقاش جاعالاۋلارىن، ۇلتتىق تابيعي ساياباقتارداعى ەكولوگيالىق ءتۋريزمدى دامىتۋ باسىمدىلىققا يە سالالار بولىپ تابىلادى. الماتى تاۋ كلاستەرى اياسىندا جالپى سوماسى 546,7 ميلليارد تەڭگەگە 8 جوبانى جۇزەگە اسىرۋ جانە 6 مىڭنان استام جۇمىس ورنىن قۇرۋ جوسپارلانۋدا. 2025 -جىلعا قاراي جالپى وڭىرلىك ونىمدەگى ءتۋريزمنىڭ ۇلەسى %6 عا دەيىن ارتادى»، - دەدى الماتى وبلىسىنىڭ اكىمى قانات بوزىمبايەۆ.
جالپى وبلىستىڭ 2025 -جىلعا دەيىنگى ينۆەستيتسيالىق پورتفەلى قۇرىلىپ، وعان 19 مىڭ ادامعا جۇمىس بەرەتىن جالپى قۇنى 2,8 تريلليون تەڭگە بولاتى ن 289 جوبا ەنگىزىلدى.
