22:51, 24 - اقپان 2022 | GMT +5
حايمە مۋنگۋيا جانىبەك الىمحان ۇلىمەن ايقاسقا قاتىستى پىكىر ءبىلدىردى
نۇر-سۇلتان. قازاقپارات - الەمنىڭ بۇرىنعى چەمپيونى حايمە مۋنگۋيا (39-0، 31 ك و) قازاقستاندىق جانىبەك الىمحان ۇلىمەن (11-0، 7 ك و) كەزدەسۋ وتكىزۋگە قارسى ەمەس.
ءبىراق ول قازىر باسقا نۇسقالاردى دا قاراستىرۋدا، دەپ جازادى Vesti.kz ءتىلشىسى.
بۇعان دەيىن بۇكىل الەمدىك بوكس ۇيىمى (WBO) بۇل ەكى بوكسشى اراسىنداعى ايقاستى حابارلادى. ەگەر ەكى كوماندانىڭ وكىلدەرى ون كۇندە كەلىسىمگە كەلە الماسا، وندا جەكپە-جەكتى وتكىزۋ قۇقىعى باسساۋداعا قويىلادى.
«جانىبەكپەن كەزدەسۋگە قارسى ەمەسپىن. ءبىراق مەن چارلو جانە گولوۆكين سياقتى چەمپيوندارمەن كەزدەسكىم كەلەدى. سونىمەن قاتار، اندرادەمەن دە كەزدەسۋ قىزىق بولادى»، - دەپ كەلتىرەدى مەكسيكالىقتىڭ ءسوزىن جۋرناليست ليەۆي لۋنا.
