سانكسيا دەگەن نە؟
سانكسيا بۇل - قۇقىقتىق نورمانىڭ ءبىر بولىگى، شارۋاشىلىق جانە قارجى قىزمەتىن قالىپتى جۇرگىزۋ ەرەجەلەرىن، كەلىسىمدى، شارتتىق نەمەسە باسقا دا مىندەتتەمەلەردى بۇزۋشىلارعا قاتىستى ماجبۇرلەۋ جولىمەن ىقپال ەتۋ شارالارى.
ادەتتە سانكسيا يمپورت پەن ەكسپورتقا، ساۋدا-ساتتىققا شەكتەۋ قويۋمەن پارا-پار. كوپ جاعدايدا سانكسيانىڭ سىرتقى ساياساتتا ۇستەمدىگى باسىم. ءبىر-بىرىنە كەرەعار ەكى مەملەكەت ءبىر-بىرىنە سانكسيا سالادى. ولار وسى ارقىلى قارسىلاسىن ۇركىتۋدى ماقسات تۇتادى.
مىسالى، ۋكرايناداعى جاعداي بويىنشا ا ق ش، ە و ەلدەرى، ۇلى بريتانيا، جاپونيا، كانادا جانە اۋستراليا رەسەيگە شەكتەۋ ەنگىزدى. گەرمانيا دا د ن ر جانە ل ن ر مويىنداۋىنا جاۋاپ رەتىندە گاز قۇبىرىن سەرتيفيكاتتاۋدى توقتاتتى.
مۇنداي تەكەتىرەستىڭ كەرى اسەرى سانكسيا سالىنعان ەلدىڭ كورشىلەرىنە، اسىرەسە سانكسيا سالعان ەلدىڭ وزىنە دە تيەدى.
سانكسيا سالۋ سەبەپتەرى:
• قيىندىقتىڭ الدىن الۋ؛
• ىشكى ساياسي مۇددەنى قورعاۋ؛
سانكسيا تۇرلەرى:
• اكىمشىلىك-قۇقىقتىق سانكسيالار (ايىپپۇل، قاماۋعا الۋ)؛
• تارتىپتىك-قۇقىقتىق سانكسيالار (قىزمەتىن تومەندەتۋ، جۇمىستان بوساتۋ)؛
• قىلمىستىق-قۇقىقتىق سانكسيالار (ءىرى كولەمدەگى ايىپپۇلدار، باس بوستاندىعىنان ايىرۋ)؛
• مۇلىكتىك سانكسيالار (شىعىننىڭ ورنىن تولتىرۋ، ايىپپۇلدار، تۇراقسىزدىق ايىپتارى، مامىلەنىڭ كۇشىن جارامسىز دەپ تانۋ، ت. ب.).
• حالىقارالىق سانكسيالار (مەملەكەت ءوزىنىڭ حالىقارالىق مىندەتتەمەلەرىن نەمەسە حالىقارىق قۇقىق نورمالارىن بۇزعاندا وسى مەملەكەتكە قولدانىلاتىن ىقپال ەتۋ شارالارى)؛
• «نەسيە سانكسياسى» (بانكتەر تاپسىرىسكەرلەرىنە نەسيە ەرەجەلەرىن بۇزعانى ءۇشىن قولدانىلاتىن ەكونوميكالىق جانە باسقا ىقپال ەتۋ شارالارى .
massaget.kz
