19:51, 24 - اقپان 2022 | GMT +5
اقتاۋدا اسكەري تەحنيكانى جوندەپ جاتقان سارباز جاراقات الدى
اقتاۋ. قازاقپارات - قورعانىس مينيسترلىگى اقتاۋ گارنيزونىندا ساربازدىڭ جاراقات الۋىنا بايلانىستى تۇسىنىكتەمە بەردى، دەپ حابارلايدى قازاقپارات.
بيىلعى 24- اقپاندا اقتاۋ گارنيزونىنىڭ اسكەري بولىمىندە مەرزىمدى قىزمەتتەگى قاتارداعى جاۋىنگەر ت. اسكەري تەحنيكاعا قىزمەت كورسەتۋ كەزىندە جاراقات العان.
«قازىرگى ۋاقىتتا ساربازعا قاجەتتى مەديتسينالىق كومەك كورسەتىلىپ جاتىر. دارىگەرلەر اسكەري قىزمەتشىنىڭ جاعدايىن ورتاشا اۋىر دەڭگەيدە دەپ باعالادى. اقتاۋ گارنيزونىنىڭ اسكەري پوليتسيا باسقارماسى تەكسەرۋ جۇرگىزىپ جاتىر. وقيعانىڭ سەبەپتەرى مەن ءمان-جايى انىقتالۋ ۇستىندە» دەلىنگەن حابارلامادا.
اسكەري قىزمەتشى 2021-جىلدىڭ كۇزىندە اقتوبە قالاسىنان مەرزىمدى اسكەري قىزمەتكە شاقىرىلعان بولاتىن.
