الماتى وبلىسىنىڭ اكىمى: جايىلىمدىق جەرلەر حالىققا قايتارىلادى
ەستەرىڭىزگە سالا كەتەيىك، ءوڭىر حالقى بۇعان دەيىن مال باعاتىن جايىلىم جەردىڭ جوقتىعىن جەتكىزگەن بولاتىن، دەپ حابارلايدى قازاقپارات ءتىلشىسى.
«الماتى وبلىسىندا جايىلىمنىڭ جوقتىعىنا قاتىستى ءبىراز اۋىلدا وسىنداي جايلار بار. اپپارات وتىرىسىندا ءاربىر اكىمگە تاپسىرما بەردىم. ياعني، ءار اۋىلدىڭ توڭىرەگىندە جاتقان جەرلەردى تۇگەندەپ، حالىقتىڭ مالىن ساناپ، ءتيىستى جەرىن اۋىل حالقىنا قايتا بەرۋدى تاپسىردىم»، - دەدى قانات بوزىمبايەۆ.
ءوڭىر باسشىسى ازىرگە بۇل ماسەلەنىڭ كەمىندە ءبىر-ەكى جىل كولەمىندە شەشىلەتىنىن جەتكىزدى.
«سوت ارقىلى شەشەمىز بە، باسقاشا شەشەمىز بە، قازىر زاڭ بىزگە قۇقىق بەرىپ جاتىر. سونى قولعا الىپ، ءبىز جاسايمىز. جەكە مەنشىك جەر بولسا دا وزىمىزگە الىپ، ءتيىستى اۋىل وكرۋگىنە بەرەمىز. بۇل ۇلكەن جۇمىس. ءبىر ەمەس، ەكى جىلدىڭ ىشىندە اتقارىلاتىن ءىس. وعان ۋادە بەرەمىن. كەيبىر اۋىلداردا وسى جۇمىستى باستادىق»، - دەدى ايماق باسشىسى.
