جەڭىلدەتىلگەن اۆتونەسيە: بيىل قانشا قازاقستاندىق كولىك ساتىپ الا الادى
«الدىن الا بولجام بويىنشا، بيىل جەڭىلدەتىلگەن اۆتونەسيەمەن 15-17 مىڭ ادام كولىك ساتىپ الادى»، - دەپ جاۋاپ بەردى بەكنۇر نەسىپبايەۆ باسپا ءسوز ءماسليحاتىندا.
قازاقستان اۆتوموبيل بيزنەسى قاۋىمداستىعىنىڭ ستراتەگيالىق دامۋ جونىندەگى ديرەكتورى قايرات ەلامانوۆ جەڭىلدەتىلگەن اۆتوكولىك نەسيەلەرىنە قاراجى قالاي بولىنەتىنىنە دە بايلانىستى ەكەنىن ايتتى.
«مۇندا ەكى مۇمكىندىك بار. ءبىرىنشىسى قازىر جۇزەگە اسىرىلىپ جاتقان باعدارلاماعا ۇقساس. ياعني، بۇكىل نەسيەنى قارجىلاندىرۋ نەمەسە ەكىنشى نۇسقا - پايىزدىق مولشەرلەمەنى سۋبسيديالاۋ. سۋبسيديالانعان پايىزدىق مولشەرلەمە تومەن بولسا، كولىكتەر سانى دا كوپ بولۋى مۇمكىن»، - دەدى ول.
قازاقستان اۆتوبيزنەس قاۋىمداستىعىنىڭ ۆيتسە- پرەزيدەنتى انار ماقاشيەۆا جەڭىلدەتىلگەن نەسيە بەرۋ باعدارلاماسىنىڭ تەتىگىن ءتۇسىندىردى.
«جەڭىلدەتىلگەن باعدارلاما بويىنشا قاراجات الۋدىڭ ەكى نۇسقاسى ۇسىنىلادى. ءبىرىنشى نۇسقانى ۇكىمەت جاريالادى - «روپ وپەراتور» اقشاسى وسى باعدارلاماعا 100 ميلليارد تەڭگە كولەمىندە باعىتتالادى، ەكىنشىسى - ەكىنشى دەڭگەيلى بانكتەر مەن ق ر دامۋ بانكى ارقىلى ءداستۇرلى بيۋدجەتتىك قاراجات ءبولۋ. بۇل بيۋدجەتتىك نەسيەلەۋ باعدارلاماسى 2016 -جىلدان بەرى جۇمىس ىستەپ كەلەدى. جالپى، قازاقستان ازاماتتارى ءۇشىن بازالىق پارامەترلەر بىردەي بولادى. سىياقى مولشەرلەمەسى – جىلىنا % 4، 5 جىلعا دەيىن باستاپقى جارناسىز، باعدارلاماعا قازاقستاندا شىعارىلعان بارلىق كولىك قاتىسادى. اۆتوكولىكتىڭ قۇنىنا ەمەس، نەسيە سوماسىنا شەكتەۋلەر بار. ءاربىر تۇتىنۋشىنىڭ وزىندىك پارامەترلەرى بار. ول كولىكتى تاڭداعان كەزدە بانك ونىڭ مۇمكىندىكتەرىنە ءتيىستى ەسەپ- قيساپ جاسايدى»، - دەدى انار ماقاشيەۆا.
بۇعان دەيىن انار ماقاشيەۆا ۋتيلالىم مولشەرلەمەسىنىڭ تومەندەيتىندىگىنە وراي پىكىر بىلدىرگەن بولاتىن.
اۆتور: الما مۇقانوۆا
