ۋتيلدىك الىمعا جەڭىلدىك مامىردا قولدانىسقا ەنۋى مۇمكىن
يندۋستريا جانە ينفراقۇرىلىمدىق دامۋ ۆيتسە- ءمينيسترى وسىلاي دەدى. مارات قارابايەۆ ءتيىستى قۇجاتتى ءساۋىر ايىنىڭ ورتاسىنا دەيىن ازىرلەۋ ءۇشىن جاۋاپتى ورگاندار بارىن سالاتىنىن جەتكىزدى. سونداي- اق ۋتيلدىك الىم وتاندىق اۆتوكولىك باعاسىنا ەش اسەر ەتپەيدى، دەدى. بىلتىر جىل باسىنان بەرى قازاقستاندىق تەمىر تۇلپار باعاسى 8,7 پروتسەنتكە قىمباتتاعان. يمپورتتىق كولىك قۇنى 9 پايىزعا وسكەن.
مارات قارابايەۆ، ق ر يندۋستريا جانە ينفراقۇرىلىمدىق دامۋ ءمينيسترىنىڭ ورىنباسارى:
- ءبىزدىڭ باعدارلامادا ءازىر ەڭ تومەن ماشينا قانشا؟ 4 ميلليون تەڭگەلىك كولىكتى 800 مىڭ مىندەتتى تۇردە ءوزىڭىز تولەيسىز. قالعان 3 ميلليون 200-گە مىسالى كرەديت الاسىز. قازىر قاراستىرىپ وتىرعانىمىز كەيبىر الەۋمەتتىك جاعدايى دۇرىس ەمەس كىسىلەرگە سول باستاپقى 20 پايىزدى تولەمەيتىن. مۇمكىن شامامىز جەتسە بۇكىل حالىققا تولەمەيتىندەي ەتىپ ىستەيمىز بە دەپ وتىرمىز.
www.24.kz
