سەناتور ساياجايدا تۇراتىنداردىڭ ماسەلەلەرىن شەشۋگە شاقىردى
سەناتور جۇمىسسىزدىق پەن كەنجە قالعان اۋىل احۋالى رەتسىز ۋربانيزاتسياعا اكەلگەنىن اتاپ ءوتتى. ناتيجەسىندە، ادامدار جازعى ساياجاي ۇيلەرىنە قونىستاندى، ولاردىڭ كوپشىلىگىندە زاڭدى مارتەبە دە جوق.
«كوپتەگەن ساياجاي ايماعى اۋماقتىق جانە زاڭدى تۇردە ناقتى ەلدى مەكەنگە جاتپايدى، ال وندا تۇراتىنداردىڭ سانى رەسمي ستاتيستيكادا جوق. اتاپ ايتقاندا، جەرگىلىكتى اتقارۋشى ورگانداردىڭ دەرەكتەرى بويىنشا رەسپۋبليكالىق ماڭىزى بار قالالاردىڭ شەكاراسىندا ورنالاسقان ساياجاي ۋچاسكەلەرىنىڭ سانى: نۇر- سۇلتان قالاسىندا - 12 مىڭنان استام، الماتى قالاسىندا - 26 مىڭنان استام، شىمكەنت قالاسىندا - 17 مىڭنان استام»، - دەدى ول ۇكىمەت باسشىسى ءاليحان سمايىلوۆتىڭ اتىنا جولداعان ساۋالىندا.
ولگا بۋلاۆكينا مۇنداي ساياجاي ايماقتارىندا شەشىلمەگەن ماسەلەلەر كوپ ەكەنىن اتاپ ءوتتى. تۇرعىندار ۇيلەرىنىڭ گازبەن، ورتالىقتاندىرىلعان سۋمەن قامتاماسىز ەتىلمەۋىنە شىداۋعا ءماجبۇر. كەيبىر اۋدانداردا جارىق جوق، جول مەن مەديتسينا مەكەمەلەرى جوق. جاستارمەن جۇمىس ىستەۋ پروبلەمالارى دا ەرەكشە نازار اۋدارۋدى تالاپ ەتەدى.
«ساياجاي ايماقتارىندا تۇراتىن جاستار تۋرالى ايتقاندا، ولاردىڭ الەۋمەتتىك- مادەني، ءبىلىم بەرۋ ينفراقۇرىلىمىنا قولجەتىمدىلىگى شەكتەۋلى دەپ ايتۋعا بولادى. جوعارىدا ايتىلعانداردىڭ ءبارى جاستاردىڭ ءبىر بولىگىنىڭ ءومىر ءسۇرۋ دەڭگەيىنىڭ تومەندەۋىنە جانە بيلىك ينستيتۋتتارىنا سەنىمسىزدىك تۋعىزۋعا دۋشار ەتەدى»، - دەدى ولگا بۋلاۆكينا.
اتالعان ماسەلەلەردى شەشۋ ءۇشىن ول ساياجاي ايماقتارىنىڭ اۋماقتارىنا قۇقىقتىق مارتەبە بەرۋ جانە ولاردى اۋماقتاردى دامىتۋ باعدارلاماسىنا ەنگىزۋ ماسەلەسىن قاراۋدى ۇسىندى. سونىمەن قاتار، ساياجاي ايماقتارىنداعى جاعدايعا تالداۋ جۇرگىزۋ ماڭىزدى. بۇل تۇراقتى تۇراتىن ازاماتتاردىڭ ناقتى سانىن جانە ولاردىڭ الەۋمەتتىك مۇقتاجىن قاناعاتتاندىرۋ دارەجەسىن انىقتاۋ ءۇشىن قاجەت. سەناتور سونداي- اق ءبىلىمى مەن كاسىبي دايىندىق دەڭگەيىن انىقتاۋ، سونداي- اق ەڭبەك رەسۋرسىن جۇمىسپەن قامتۋ سالالارى بويىنشا ءبولۋ ماقساتىندا وسى اۋماقتاردا تۇراتىن حالىقتىڭ الەۋمەتتىك- ەكونوميكالىق سيپاتتامالىق كارتاسىن جاساۋ قاجەتتىگىن اتاپ ءوتتى.
اۆتور: رۋسلان عابباسوۆ
