12:40, 24 - اقپان 2022 | GMT +5
ۋكراينا اسكەري جاعداي رەجيمىن ەنگىزدى
كيەۆ. قازاقپارات - ۋكراينا پرەزيدەنتى ۆلاديمير زەلەنسكي ەل حالقىنا ۇندەۋ جاريالاپ، ۋكراينا اۋماعىندا اسكەري جاعداي رەجيمى ەنگىزىلگەنىن مالىمدەدى، دەپ حابارلايدى قازاقپارات ۋكرينفورم اقپارات اگەنتتىگىنە سىلتەمە جاساپ.

بۇل تۋرالى ۋكراينا پرەزيدەنتىنىڭ Facebook-تەگى رەسمي پاراقشاسىندا جاريالانعان ۇندەۋدە ايتىلعان.
«ءبىز ەلىمىزدىڭ بارلىق اۋماعىندا اسكەري جاعداي رەجيمىن ەنگىزەمىز. ءبىر مينۋت بۇرىن مەن پرەزيدەنت بايدەنمەن سويلەستىم. ا ق ش حالىقارالىق قولداۋدى جۇمىلدىرۋعا كىرىسىپ كەتتى. بۇگىن ءارقايسىڭىز سابىرلىق ساقتاۋىڭىز قاجەت، مۇمكىندىگىنشە، ۇيدە قالىڭىزدار. ءبىز جۇمىس ىستەپ جاتىرمىز، اسكەر، ۋكراينانىڭ قاۋىپسىزدىك سەكتورى تۇگەل جۇمىس ىستەپ وتىر»، - دەدى ۋكراينا باسشىسى.
اۆتور: اقبوپە ءابدراسۋل