13:54, 24 - اقپان 2022 | GMT +5
قازاقستاندا قۇراستىرىلعان تەحنيكالاردىڭ وزىندىك قۇنىن بىلە الاسىزدار - قارابايەۆ
نۇر-سۇلتان. قازاقپارات - قازاقستاندا قۇراستىرلعان تەحنيكالاردىڭ قۇنى اشىق.
بۇل تۋرالى ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى مارات قارابايەۆ ايتتى، دەپ حابارلايدى قازاقپارات ءتىلشىسى.
«يمپورتتىق تەحنيكانىڭ (اۋىل شارۋاشىلىعى تەحنيكاسى) باعاسىن ەشقاشان كورە المايسىز. مۇمكىن ونىڭ وزىندىك باعاسى 10 تەڭگە بولىپ، ەلگە اكەلىپ 25 تەڭگەدەن ساتىپ وتىرعان شىعار. ال شەتەلدىك زاۋىتتار ەلىمىزگە كەلگەن كەزدە تەحنيكانىڭ باعاسىن كورە الاسىز. ويتكەنى، زاۋىتتار تەحنيكانى قۇراستىراتىن قوسالقى بولشەكتەردى دەلدالداردان المايدى. تىكەلەي زاۋىتتان الادى. سوندا قوسالقى بولشەكتەردىڭ قانداي باعامەن كەلەتىندىگىن بىلە الامىز. ياعني، ونىڭ قۇنىنىڭ اشىق بولۋىنا اسەر ەتەدى»، - دەدى ۆيتسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
