ۋتيل الىم ازىق-تۇلىك قاۋىپسىزدىگىنە كەرى اسەرىن تيگىزە مە
بۇل ساۋالعا ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى مارات قارابايەۆ جاۋاپ بەردى، دەپ حابارلايدى قازاقپارات ءتىلشىسى.
«كەيبىر قوعام بەلسەندىلەرى ۋتيل الىم ازىق-تۇلىك قاۋىپسىزدىگىنە دە كەرى اسەرىن تيگىزىپ وتىرعاندىعىن ايتادى. بۇل دا شىندىققا جاناسپايتىن ۇعىم دەپ ويلايمىز. قايتا اۋىل شارۋاشىلىعى تەحنيكالارىن شىعاراتىن زاۋىتتاردىڭ وتاندىق بولۋى ازىق- تۇلىك قاۋىپسىزدىگىن قامتاماسىز ەتۋدە. شەتەلدىك زاۋىتتار كەلگەننەن كەيىن ەلىمىزدىڭ تۇپكىر-تۇپكىرىندە قىزمەت كورسەتۋ ورتالىقتارىن اشىپ وتىر. ەگەر بۇرىن ەلىمىزدە ءوندىرىسى بولماعان كەزدە تەحنيكانىڭ قوسالقى بولشەگى قاجەت بولعاندا كۇتۋگە تۋرا كەلەتىن. ويتكەنى، ول باسقا ەلدەن كەلەدى. ال قىزمەت كورسەتۋ ورتالىقتارى اشىلعاننان كەيىن بۇل ماسەلە جەڭىلدەدى»، - دەدى ۆيتسە-مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
وسى رەتتە مارات قارابايەۆ پاندەميا كەزىندە 1 مىڭ جەدەل جاردەم كولىگىنە سۇرانىس تۋىنداپ، ونى وتاندىق زاۋىتتار 2 ايدىڭ ىشىندە قۇراستىرىپ شىققانىن مىسالعا كەلتىردى.
«مۇنى قالاي جۇزەگە اسىرا الدىق؟ ويتكەنى، ەلىمىزدە ءوندىرىسى بولدى. پاندەميا باستالعان كەزدە ەلدەر ءبىر- بىرىنە ەشتەڭە شىعارمادى. لوگيستيكالىق جۇمىستار توقتاپ قالدى»، - دەدى ول.
