زەلەنسكي رەسەي حالقىنا ورىسشا ۇندەۋ جولدادى

نۇر- سۇلتان.قازاقپارات - ۋكراينا پرەزيدەنتى رەسەي حالقىنا ورىس تىلىندە ارنايى ۇندەۋ جولدادى. ۆلاديمير زەلەنسكي: «بىزگە قىرعيقاباق سوعىس تا، اشىق قىرعىن دا، گيبريدتى قاقتىعىس تا كەرەك ەمەس، ءبىز مۇنى قالامايمىز»، - دەدى.

سونداي- اق ول «ءبىز شابۋىل جاسامايمىز، ءبىراق ەلىمىزدى، بوستاندىعىمىزدى، بالالارىمىزدىڭ ءومىرىن قورعاۋعا دايىنبىز» دەپ مالىمدەدى.

بۇدان باسقا زەلەنسكي «ءبىزدى ۇلتشىلدار دەپ ايىپتايدى، بۇل قاتە ۇعىم، سىزدەردىڭ جاڭالىقتارىڭىزداعى ۋكراينا مەن شىنايى ومىردەگى ۋكراينانىڭ اراسى جەر مەن كوكتەي» دەدى.

ۆلاديمير زەلەنسكي، ۋكراينا پرەزيدەنتى:

- مەن رەسەي فەدەراتسياسىنىڭ پرەزيدەنتىمەن تەلەفون ارقىلى سويلەسۋ باستاماسىن كوتەردىم. ءبىراق ول ءۇنسىز قالدى. بۇگىن دونباسستا ۇنسىزدىك ورناۋى مۇمكىن. سوندىقتان رەسەي حالقىنا پرەزيدەنت ەمەس، ۋكراينا ازاماتى رەتىندە ۇندەۋ جاساعىم كەلەدى. ءبىزدى 2 مىڭنان استام شاقىرىم ورتاق شەكارا ءبولىپ تۇر. ول جەردە قازىر سىزدەردىڭ 200 مىڭداي سارباز بەن مىڭداعان اسكەري تەحنيكا تۇر. سىزدەردىڭ باسشىلارىڭىز باسقا ەلدىڭ جەرىنە باسىپ كىرۋدى قۇپتاپ وتىر. ەۋروپا قۇرلىعىنداعى ۇلكەن سوعىستىڭ باستاماسى بولۋ قاۋپى ءتونىپ تۇر. بۇل قىرعىندى كىم توقتاتا الادى؟ ارينە حالىق!

www.24.kz