«الىشەر ناۋاي جانە قازاق ادەبيەتى» كىتابى جارىق كوردى

نۇر-سۇلتان.قازاقپارات - وزبەكستاندا جازۋشى قالدىبەك سەيدانوۆتىڭ ەكى جاڭا كىتابى جارىق كوردى.

ول قالىڭ وقىرمانعا «الىشەر ناۋاي جانە قازاق ادەبيەتى» اتتى ەڭبەگىمەن قاتار، وزبەك تىلىندە جازىلعان «قانداشلار»، ياعني باۋىرلار جايلى تۋىندىسىن ۇسىندى. ايتا كەتەيىك، قالدىبەك سەيدانوۆ بيىل 80 جاسقا تولدى. قالامگەر ونەگەلى ءومىر جولىندا 23 كىتاپتىڭ اۆتورى اتاندى. 740 تان استام ماقالا جازدى. ونىڭ باسىم بولىگى قازاق تىلىندە جاريالاندى. قازاق پەن وزبەكتىڭ ۇلى تۇلعالارى اباي مەن ناۋاي اراسىنداعى بايلانىستى زەرتتەدى. سونداي- اق جازۋشى وزبەكستانداعى قازاق مەكتەپتەرىنە ارنالعان «قازاق ادەبيەتى» وقۋلىعىن شىعاردى.

قالدىبەك سەيدانوۆ، جازۋشى:

- كوپ ەڭبەكتەر جازدىم. ەكى حالىقتىڭ دوستىعىن جىرلادىم. «اباي جانە ورتا ازيا ادەبيەتى»، مىنە، سونىڭ ءبارى سوندا كەڭ ءورىس العان. ەندى بيىل مۇحتار اۋەزوۆتىڭ 125 -جىلدىعى بولادى. سوعان قازىر مۇحتار جانە ورتالىق ازيا ادەبيەتىن دايىنداپ جاتىرمىن. جانە تالىمدىك عيبراتنامالار بار. جاسىم 80 گە كەلگەننەن كەيىن جاستاردىڭ تاربيەسىنە كوپ كوڭىل بولەمىن. ونى وقىعان بالالار ۇلى تۇلعا بوپ قالىپتاسادى دەپ ويلايمىن.

www.24.kz