قارالى قاڭتار: قۇقىق قورعاۋ ورگاندارى شەتەلدىك ديپلوماتيا كورپۋسىن تەرگەۋ بارىسىمەن تانىستىردى
ۆەدومستۆونىڭ مالىمەتىنشە، سپيكەرلەر بريفينگكە قاتىسۋشىلارعا قىلمىستىق ىستەردى وبەكتيۆتى تەرگەۋدى قامتاماسىز ەتۋ جانە ۇستالعان ازاماتتاردىڭ قۇقىقتارىن قورعاۋ ءۇشىن قابىلدانىپ جاتقان شارالار تۋرالى ەگجەي- تەگجەيلى اقپارات بەردى.
شارا بارىسىندا قاڭتار وقيعالارىنىڭ دەرەكتى كادرلارى كورسەتىلدى. ديپلوماتتاردىڭ نازارى وقيعالاردىڭ حرونولوگياسىنا جانە قىلمىستىق توپتاردىڭ، ەكسترەميستەردىڭ جانە تەرروريستەردىڭ قاتىسۋىمەن بەيبىت ميتينگتى بيلىكتى باسىپ الۋ ارەكەتىن قامتىعان ولاردىڭ ەرەكشە گيبريدتى فورماسىنا اۋدارىلدى. تەرگەۋ ءىس- ارەكەتتەرى بارىسىندا ۇستالعان ازاماتتاردىڭ زاڭدى قۇقىقتارى مەن بوستاندىقتارىن قورعاۋ ءۇشىن قابىلداناتىن شارالارعا كوڭىل ءبولىندى. ادام قۇقىقتارىنىڭ ىقتيمال بۇزىلۋى تۋرالى، ونىڭ ىشىندە ب ا ق- تا جاريالاناتىن بارلىق حابارلامالاردى پروكۋراتۋرا ورگاندارى تەكسەرەدى.
«ءاربىر فاكت ءتيىستى قۇقىقتىق باعا بەرۋىمەن مۇقيات تەكسەرىلەدى»، - دەپ اتاپ ءوتتى ب. دەمبايەۆ. بۇل ماسەلەدە ق ر ادام قۇقىقتارى جونىندەگى ۋاكىلىمەن، ازاپتاۋلاردىڭ الدىن الۋ جونىندەگى ۇلتتىق الدىن الۋ تەتىگىنىڭ قاتىسۋشىلارىمەن، ۇلتتىق قوعامدىق سەنىم كەڭەسىمەن تىعىز ءوزارا ءىس- قيمىل جاسالعانى اتاپ ءوتىلدى.
«ولاردىڭ ىقتيمال قاتىگەز قارىم- قاتىناس جاعدايلارىن جانە مەديتسينالىق كومەك كورسەتپەۋ فاكتىلەرىن تەكسەرۋ ماقساتىندا يزولياتورلارعا بارىپ، ۇستالعان ادامدارمەن كەزدەسۋگە تولىق رۇقساتى بار» دەپ كورسەتىلدى.
ءىس- شارا سوڭىندا باس پروكۋراتۋرا مەن ءى ءى م وكىلدەرى بريفينگكە قاتىسۋشىلاردىڭ سۇراقتارىنا جاۋاپ بەردى. شەتەلدىك ديپلوماتتار تەرگەۋ ءىس- شارالارى تۋرالى مازمۇندى اقپارات الۋ مۇمكىندىگى ءۇشىن العىس ايتىپ، قاڭتار وقيعالارىنا وبەكتيۆتى تەرگەۋ جۇرگىزۋگە باعىتتالعان شارالاردى قولدادى. سونداي- اق، بريفينگكە بەينەبايلانىس ارقىلى قازاقستان رەسپۋبليكاسىنىڭ شەتەلدىك مەكەمەلەرىنىڭ باسشىلارى قاتىستى.
