بوكس: نازىم قىزايباي «ستراندج كۋبوگى» ءتۋرنيرىنىڭ جارتىلاي فينالىنا شىقتى

نۇر- سۇلتان. قازاقپارات - قازاقستاندىق بوكسشى نازىم قىزايباي «ستراندج كۋبوگىنىڭ» جارتىلاي فينالىنا شىقتى.

تۋرنير وسى كۇندەرى بولگاريانىڭ استاناسى سوفيادا ءوتىپ جاتىر، دەپ حابارلايدى قازاقپارات Sports.kz سايتىنا سىلتەمە جاساپ.

شيرەك فينالدا قىزايباي يسپانيالىق سپورتشى لاۋرا فۋەرتەس فەرناندەسپەن 50 كيلوگرامعا دەيىنگى سالماق ساناتىندا جەكپە- جەككە شىعىپ، تورەشىلەردىڭ ءبىراۋىز شەشىمىمەن جەڭىسكە جەتتى. قازاقستاندىق 2014 جانە 2016 -جىلدارى قازاقستان مەن وڭتۇستىك كورەيادا ەكى دۇركىن الەم چەمپيونى اتانعان.

اتاپ ءوتۋ كەرەك، بۇگىن رينگكە تاعى ءۇش قازاقستاندىق شىعادى: بالاۋسا مۋزديمان (54 كيلوگرامعا دەيىنگى سالماق ساناتىندا)، دينا جولامان (54 كيلوگرامعا دەيىنگى سالماق ساناتىندا) مەن كارينا يبراگيموۆا (57 كيلوگرامعا دەيىنگى سالماق ساناتىندا) .