رەسەيدىڭ كەي ازاماتتارىنا ا ق ش اۋماعىنا كىرۋگە تىيىم سالىندى
سونىڭ سالدارىنان ءبىرقاتار ۇيىمنىڭ اكتيۆتەرى بۇعاتتالدى، دەپ حابارلايدى «حابار 24».
رەسەي ارقىلى ەۋروپاعا كوگىلدىر وتىن تاسىمالدايتىن گاز قۇبىرىن سەرتيفيكاتتاۋ توقتاتىلدى. مەملەكەتتى بىلاي قويعاندا، جۇزدەگەن دەپۋتاتقا جەكە سانكتسيالار دا سالىندى. تاياقتىڭ ءبىر ۇشى كاسىپكەرلەرگە دە ءتيدى. رەسەيگە العاش بولىپ سانكتسيا سالعانداردىڭ ءبىرى – ۇلى بريتانيا. كورولدىك بيلىگى 5 بانكتىڭ اكتيۆىن بۇعاتتادى. كەيبىر كاسىپكەرلەردىڭ ەلگە كىرۋىنە تىيىم سالدى. ال ا ق ش رەسەيدىڭ ەكى بانكى مەن ولاردىڭ قوسالقى 42 كومپانياسىنىڭ اكتيۆتەرىن بۇعاتتادى. سونىمەن قوسا امەريكالىق كومپانيالارعا فەدەرالدىق قارىزدىڭ رۋبلدىك وبليگاتسيالارىنا قاتىستى قانداي دا ءبىر كەلىسىمشارت جاساۋعا تىيىم سالىندى. بۇدان بىلاي رەسەيدىڭ كەي ازاماتتارىنا ا ق ش اۋماعىنا كىرۋگە رۇقسات ەتىلمەيدى.
دجو بايدەن، ا ق ش پرەزيدەنتى:
- ءبىزدىڭ رەسەيمەن سوعىسۋعا نيەتىمىز جوق. ءبىراق ا ق ش ءوز وداقتاستارىمەن بىرگە ناتو- عا مۇشە ەلدەردىڭ اۋماعىن قورعاپ، وزىنە العان مىندەتتەردى ورىندايتىنىن جەتكىزەدى. ءبىز رەسەي ۋكرايناعا قاتىستى بۇدان وزگە دە ارەكەتتەرگە بارعالى وتىر دەپ سانايمىز. مەن بۇل پىكىرىمنىڭ جاڭساق بولعانىن قالار ەدىم. ءبىراق رەسەيدەن ۋكراينانىڭ وزگە ايماقتارىنا قاۋىپ كۇشەيدى.
ەۋرووداق ديپلوماتياسى باسشىسىنىڭ جازباسى تالقىلانىپ جاتىر ەۋرووداق 27 رەسەي ازاماتى مەن ۇيىمىنا سانكتسيا سالدى. وداق وكىلدەرى مۇنى دونباسستاعى وپەراتسيالاردى قارجىلاندىرۋمەن بايلانىستىردى. مەملەكەتتىك دۋمانىڭ 351 دەپۋتاتىنا قارسى جەكە سانكتسيالار دا ازىرلەندى. وسى ەۋرووداققا مۇشە گەرمانيا بولسا، «سولتۇستىك اعىن-2» گاز قۇبىرىن سەرتيفيكاتتاۋدى توقتاتىپ تاستادى. ەۋرووداقتىڭ ديپلوماتيا باسشىسى جوزەپ بوررەلدىڭ الەۋمەتتىك جەلىدەگى جازباسى قازىر قىزۋ تالقىلانىپ جاتىر.
ول تۆيتتەردەگى پاراقشاسىندا رەسەيگە قارسى جازالاۋ شارالارىن تالقىلاۋ كەزىندە «ەندى ميلاندا شوپينگ، سان- تروپەدە ساۋىق كەشتەرى، انتۆەرپەننەن گاۋحار تاستار بولمايدى» دەپ جازعان ەدى. ءبىراق ارتىنشا ساياساتكەر جازباسىن ءوشىرىپ تاستاعان. الايدا كوبى ونى ساقتاپ ۇلگەردى. قازىر بوررەلدىڭ سوزدەرى توڭىرەگىندەگى شۋ باسىلماي تۇر.
www.24.kz
