ارالدا ۇشاقتىڭ قۇلاۋى: وقيعانىڭ ءمان- جايى انىقتالدى
ەستەرىڭىزگە سالساق ، بۇگىن ءتۇس الەتىندە سانيتارلىق اۆياتسيا قىزمەتىن اتقاراتىن ا ن-2 ۇشاعى ارال قالاسىنا جاقىن اۋماقتا ورنالاسقان التىقۇدىق دەگەن جەرگە قۇلاپ، تولىعىمەن جانىپ كەتكەن. اتالعان ورىن اۋدان ورتالىعىنان شامامەن 21 شاقىرىم قاشىقتىقتا. بۇل جونىندە حابارلاما وبلىستىق توتەنشە جاعدايلار دەپارتامەنتىنە ساعات 12.10 دە تۇسكەن.
ءورت سوندىرۋشىلەر وقيعا ورنىنا كەلگەندە ۇشاق تولىقتاي جانىپ كەتكەن. «ەكيپاج «ساناۆياتسيا» قىزمەتىنىڭ تاپسىرماسى بويىنشا ۇشىپ شىققان. كەلەڭسىز جاعداي ۇشاقتىڭ قونۋ كەزىندە تىركەلگەن. اۋدان اۋماعىندا تۇمان تۇسۋىنەن اۋا رايىنىڭ قولايسىز بولعاندىعى انىقتالدى.
قونۋ بارىسىندا ۇشاق باتپاققا قۇلاپ، اۋدارىلىپ كەتكەن. ۇشاق ىشىندە 1970 -جىلعى ەكيپاج كومانديرى، 1992 -جىلعى ەكىنشى پيلوت جانە 1974 -جىلعى دارىگەر بولعان. ولاردىڭ بارلىعى امان، ەشقانداي زارداپ شەكپەگەن. ولارعا مەديتسينالىق كومەك قاجەت بولعان جوق. ارتىنشا ءورت شىعىپ، ۇشاق تولىق جانىپ كەتكەن»، - دەدى وبلىستىق توتەنشە جاعدايلار دەپارتامەنتى باسشىسىنىڭ ورىنباسارى سايد مولداقارايەۆ.
ءمالىم بولعانىنداي، ۇشاق ساعات 9.30 شاماسىندا قىزىلوردا اۋەجايىنان ءتيىستى باعىتقا بەت العان. 1987 -جىلى شىعارىلعان اۋە تەحنيكاسى بىلتىر قاراشا ايىندا جوندەۋدەن وتكىزىلىپ، ۇشۋعا قايتا رۇقسات ەتىلگەن.
