قورعانىس ءمينيسترى اسكەري بولىمدەردىڭ كومانديرلەرىمەن كەڭەس وتكىزدى
بۇل تۋرالى قورعانىس مينيسترلىگىنىڭ باسپا ءسوز قىزمەتى حابارلادى. جيىن بارىسىندا قازىرگى كەزدەگى سىن- تەگەۋرىندەر مەن قاۋىپ- قاتەرلەردى ەسكەرە وتىرىپ، قۇرلىق اسكەرلەرىنىڭ جاۋىنگەرلىك دايارلىق باعدارلامالارىن جەتىلدىرۋ، بارلاۋ بولىمشەلەرىن قايتا جاراقتاندىرۋدىڭ نەگىزگى باعىتتارى، ءتۇرلى ۇرىستا كۇشتەر مەن قۇرالداردى قولدانۋ ءتارتىبى بويىنشا نۇسقاۋلىق- ادىستەمەلىك جانە پراكتيكالىق ساباقتار وتكىزىلەدى.
قورعانىس ءمينيسترى گەنەرال- لەيتەنانت رۋسلان جاقسىلىقوۆ ءبولىم كومانديرلەرىمەن كەزدەستى. قورعانىس ۆەدومستۆوسىنىڭ باسشىسى سەنىپ تاپسىرىلعان اسكەري بولىمدەردەگى ىستەردىڭ جاي- كۇيىنە قاتىستى باياندامالاردى تىڭدادى جانە پرەزيدەنت قاسىم- جومارت توقايەۆتىڭ ەلدىڭ قورعانىس قابىلەتىن ودان ءارى نىعايتۋ جونىندەگى تاپسىرمالارى اياسىندا ءبىرقاتار مىندەتتەردى بەلگىلەدى. قارۋلى كۇشتەردىڭ جاۋىنگەرلىك دايارلىعىن قولداۋعا نازار اۋدارىلدى.
ءبىرقاتار ساباقتار اسكەري وبەكتىلەردىڭ ديۆەرسياعا قارسى قورعالۋىن قامتاماسىز ەتۋ، ارنايى اسكەري ءىس- قيمىلداردى دايىنداۋ جانە جۇرگىزۋ، اسكەري قىزمەتتىڭ قاۋىپسىزدىگى جانە اسكەرلەردىڭ كۇندەلىكتى قىزمەتىن باسقارۋ ماسەلەلەرىنە ارنالدى. بريگادالار مەن پولك كومانديرلەرىنىڭ قاتىسۋىمەن وتكەن جيىن شەڭبەرىندە زاڭناما نورمالارىن، تاكتيكالىق نورماتيۆتەردى، جالپى اسكەري شتابتاردىڭ قىزمەتى جونىندەگى نۇسقاۋلىقتىڭ ەرەجەلەرىن بىلۋگە تەست جۇرگىزىلەدى. جيىن قازىرگى زامانعى اسكەري قاقتىعىستاردا قۇرامالار مەن بولىمدەردىڭ قولدانىلۋ ەرەكشەلىكتەرىن ءتۇسىندىرۋ ماقساتىندا ۇيىمداستىرىلىپ، اسكەري ءبولىم كومانديرلەرىنىڭ كاسىبي دەڭگەيىن جەتىلدىرۋگە باعىتتالعان.
