دارىندى كوشباسشىنىڭ قاسيەتتەرى

نۇر- سۇلتان. قازاقپارات - الدەكىممەن امانداسقاندا ورنىڭىزدان تۇرىڭىز. قارسىڭىزداعى اداممەن بويىڭىز تەڭ دەڭگەيدە تۇرۋى ماڭىزدى. قول الىسىپ امانداسقاندا ءبىر قولىڭىز قالتاڭىزدا تۇرماسىن. وعان دەگەن قۇرمەتىڭىز بەن ءوزىڭىزدىڭ مادەنيەتىڭىز وسىدان كورىنەدى.

دايىندىقسىز ەشتەڭە ىستەمەڭىز. ەشبىر مارافوندا دايىندىقسىز جەڭىسكە جەتپەيسىز، ەل الدىنا سويلەۋگە دە دايىندىقسىز شىعۋ اسا ساتتىلىك اكەلمەيدى. وزىڭىزگە سەنىمدى ءارى كۇشتى سەزىنۋ ءۇشىن اينا الدىندا، شاعىن ورتادا مىندەتتى تۇردە ءبىر دايىندالىڭىز. اڭگىمە بارىسىندا باسقا نارسەگە ويىڭىز اۋىپ كەتپەسىن. ءسوز سوڭىندا داۋىسىڭىزدى ءسال كوتەرىپ، باس يزەپ وتىرىڭىز. سويلەسىپ وتىرعان ادامىڭىز ءوزىن وتە اقىلدى، تارتىمدى، قىزىقتى سەزىنەتىندەي ەتىڭىز. ۇستەلگە وتىرعاندا دۇرىس ورىن تاڭداڭىز. اڭگىمە قالاي وربۋىنە بۇل دا ماڭىزدى. ەكى ادام قاراما- قارسى وتىرسا، ارالارىن ۇستەل ءبولىپ تۇرادى دا، پىكىرلەرى جونىنىنەن كەلىسپەۋشىلىك تۋىنداۋى مۇمكىن. كەلەڭسىزدىك تۋدىرماس ءۇشىن سۇحباتتاسۋشىڭىزدىڭ جانىنا وتىرىڭىز. شىنايى كۇلۋ ءۇشىن جاعىمدى ساتتەردى ەسكە الىڭىز.

مي شىنايىلىق پەن قيالدى اجىراتا المايدى. ايتقان ءسوزى ۇناماعان جاعدايدا ەموتسياڭىزدى جاسىرعىڭىز كەلسە، باسقا نارسەنى ەسكە ءتۇسىرۋ ارقىلى شىنايى كۇلىمدەڭىز. جاقسى تىڭداۋشى بولىڭىز. سويلەپ وتىرعانىن دەن قويا تىڭداپ وتىرعانىڭىزدى ءبىلدىرۋ ءۇشىن پاۋزا جاساپ، اراسىندا سۇراق قويىپ وتىرىڭىز. ماڭىزدى كەزدەسۋلەر الدىندا سەرىگتەرلىك ىسپەن اينالىسقان جاقسى كومەكتەسەدى. ۋاقىتىڭىز بەن مۇمكىندىگىڭىز بولسا، ازداپ جۇگىرىپ الىڭىز. بولماسا كوڭىل كوتەرەرلىك اۋەن تىڭداڭىز. كوتەرىڭكى كوڭىل كۇيمەن بارساڭىز بارلىعى دا ويداعىداي بولادى.

ادامگەرشىلىكتەن اتتاماڭىز. ەلىڭدى سوڭىڭنان ەرتەتىن كوشباسشى بولۋ ءۇشىن تەك فيزيكالىق تۇرعىدان كۇشتى، قۋاتتى بولۋ جەتكىلىكسىز. تۇلعاعا ءتان ەرەكشە قاسيەتتەردى دە يگەرە ءبىلۋ مىندەتتى. قانىش ساتبايەۆ سەكىلدى اسا زەرەك، دىنمۇحامەد قونايەۆ ءتارىزدى وتە مەيىربان بولماساڭىز دا، ۇقساپ باققان ءجون. بيلىكتىڭ ءبىراز بيىگىن باعىندىرعاننان كەيىن بىرتە- بىرتە ادامدىقتان الشاقتاپ، ادامدارمەن بۇرىنعى قارىم- قاتىناستى سۋىتا بەرسەڭىز، جەتكەن جەتىستىگىڭىز ءبىر تيىنعا تاتىمايدى.

Massaget.kz