ا ق ش رەسەيگە قارسى جاڭا سانكسيالار ەنگىزدى
شەكتەۋ شارالارى ەڭ الدىمەن قارجى سالاسىنا باعىتتالعان. ناقتىراق ايتقاندا ەندى رەسەيدىڭ باتىستان قارىز الىپ، ا ق ش پەن ەۋروپا نارىعىندا ءوزىنىڭ قۇندى قاعازدارىن ورنالاستىرۋىنا تىيىم سالىنادى. شەكتەۋلەر ۆنەشەكونومبانك پەن پرومسۆيازبانككە دە قاتىستى. سەبەبى بۇل قۇرىلىمدار كرەملمەن تىعىز بايلانىستا - دەيدى اق ءۇي باسشىسى.
بايدەن بۇدان بولەك رەسەي ەليتاسى مەن ولاردىڭ جاقىندارىنا دا شەكتەۋلەر ەنگىزىلەتىنىن جەتكىزدى. ءبىراق بايدەن ا ق ش داعدارىستى شەشۋ ءۇشىن كەلىسسوز جۇرگىزۋگە دايىن ەكەنىن ايتىپ، ۋكرايناعا قارجىلاي جانە اسكەري كومەك كورسەتۋدى جالعاستىرا بەرەتىنىن اتاپ ءوتتى.
دجو بايدەن، ا ق ش پرەزيدەنتى:
- ءبىزدىڭ رەسەيمەن سوعىسۋعا نيەتىمىز جوق. ءبىراق ا ق ش ءوز وداقتاستارىمەن بىرگە ناتو- عا مۇشە ەلدەردىڭ اۋماعىن قورعاپ، وزىنەن العان مىندەتتەردى ورىندايتىنىن جەتكىزەدى. ءبىز رەسەي ۋكرايناعا قاتىستى بۇدان وزگە دە ارەكەتتەرگە بارعالى وتىر دەپ سانايمىز. مەن بۇل پىكىرىمنىڭ جاڭساق بولعانىن قالار ەدىم. ءبىراق رەسەيدەن ۋكراينانىڭ وزگە ايماقتارىنا قاۋىپ كۇشەيدى.
ال ا ق ش مەملەكەتتىك حاتشىسى ەنتوني بلينكەن رەسەي سىرتقى ىستەر ءمينيسترى سەرگەي لاۆروپەن جەنيەۆادا كەزدەسكەن جوق. سەبەبى رەسەي قوس ايماقتى تانۋدى تالاپ ەتىپ، شيەلەنىستى ديپلوماتيالىق جولمەن شەشۋگە ءمان بەرىپ وتىرعان جوق - دەيدى ول. بلينكەن رەسەيدىڭ دونەتسك پەن لۋگانسكتى تانۋى حالىقارالىق قۇقىقتى بۇزۋى، ال قوس ايماقتا اسكەريلەرىن ورنالاستىرۋى ۋكرايناعا شابۋىلدىڭ باسى دەپ وتىر.
