الماتىدا ينتەرنەت- الاياقتىقتىڭ ەڭ كەڭ تارالعان ءتۇرى اتالدى
بىرىنشىدەن، ونلاين نەسيە بەرۋ، سايتتار ارقىلى تۇتىنۋ تاۋارلارىنا تاپسىرىس بەرۋ. ەكىنشىدەن، شوتتاردان اقشا ۇرلاۋ، بۇل جاعدايدا قىلمىسكەرلەر وزدەرىن بانك قاۋىپسىزدىك قىزمەتكەرلەرى رەتىندە كورسەتەدى. ۇشىنشىدەن، اقشانى ءارتۇرلى جوبالارعا، ويىندارعا، ينۆەستيتسيالارعا جانە تاعى باسقا «ءتيىمدى» اقشا سالۋ.
«بۇگىنگى تاڭدا ازاماتتاردىڭ ءومىرىن ۇيالى تەلەفونسىز جانە ينتەرنەتسىز ەلەستەتۋ قيىن. تاماققا تاپسىرىس بەرۋ، تاۋارلاردى، شوتتاردى تولەۋ جانە تاعى باسقا ارەكەتتەردى ۇيدە وتىرىپ- اق جاساۋعا بولادى. كەيبىر ادامدار ءۇشىن بۇل ۋاقىتتى ۇنەمدەۋگە جانە ءومىردى جەڭىلدەتۋگە تاماشا مۇمكىندىك بولسا، باسقا «كاسىپكەر» ازاماتتار ءۇشىن الاياقتىق ارەكەتتەرگە ۇلكەن جول اشىلادى»، - دەيدى قۋاتبەك ناۋاتوۆ.
پوليتسيا وكىلىنىڭ ايتۋىنشا، جىل باسىنان بەرى قالادا 207 ينتەرنەت- الاياقتىق تىركەلدى. وتكەن جىلدىڭ سايكەس كەزەڭىمەن سالىستىرعاندا 3,3 ەسەگە ازايدى.
«دەگەنمەن، ءالى دە بولسا دابىل قاعىپ، ازاماتتاردىڭ نازارىن قاۋىپسىزدىك شارالارىنا اۋدارۋ قاجەت، بۇل تۋرالى الەۋمەتتىك بەينەروليكتەر جانە باسقا دا بروشيۋرالار، جادىنامالار جانە ت. ب. تۇرىندەگى كورنەكى ۇگىت- ناسيحات ارقىلى بىرنەشە رەت ايتقان بولاتىنبىز. بىلتىر شاھاردا 97 ينتەرنەت- الاياق ۇستالدى»، - دەدى الماتى قالالىق پ د كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
سونىمەن قاتار، ول ينتەرنەت- الاياقتىقتىڭ الدىن الۋ جانە كيبەرقىلمىسقا قارسى كۇرەس بولىمشەلەرىنىڭ جۇمىسىنىڭ تيىمدىلىگىن ارتتىرۋ ماقساتىندا بيىل ءبىرقاتار پروفيلاكتيكالىق ءىس- شارا جوسپارلانعانىن اتاپ ءوتتى. سونىڭ ىشىندە LED- ەكرانداردا، بيلبوردتاردا پروفيلاكتيكالىق اقپاراتتى ورنالاستىرۋ، وسى ماسەلەنى ب ا ق- تا كەڭىنەن كورسەتۋ، سونداي- اق الاياقتاردىڭ قۇربانى بولماۋ تۋرالى س م س حابارلامالار جىبەرۋ.
اۆتور: الما مۇقانوۆا
