كرۋيز كەمەلەردىڭ جولاۋشىلارى بورتتاعى تاڭعاجايىپ وقيعالاردى ايتتى
ولار Reddit پلاتفورماسىندا جاريالاندى، - دەپ حابارلايدى Kaz.tengritravel.kz ءتىلشىسى.
جەلىنىڭ العاشقى پايدالانۋشىسىنىڭ ايتۋىنشا، ءبىر كەزدەرى ەكزوتيكالىق ارالداردىڭ بىرىنەن كرۋيز كەمەگە جابايى ارالار ۇشىپ كەلگەن. ناتيجەسىندە، ەكيپاج مۇشەلەرى جاندىكتەردەن ءقاۋىپسىز ارىلۋعا كومەكتەسۋ ءۇشىن ارا وسىرۋشىلەردى بورتقا شاقىرۋعا ءماجبۇر بولادى.
تاعى ءبىر پايدالانۋشى كەزدەيسوق تانىسۋعا ارنالعان تاقىرىپتىق كرۋيزگە تۇسكەن كەزدەگى وقيعانى ەسىنە الدى.
«ءار كەش سايىن ايەلدەر قىل- قىبىر كيىندى: شاش ۇلگىسى، مانيكيۋر، ءساندى كويلەكتەر. كيىم مەن اكسەسسۋارلارعا جۇمسالعان اقشانىڭ شەگى جوق شىعار»، - دەپ ول ساياحاتشىلاردىڭ سىرتقى كەلبەتى تۋرالى پىكىرىن ءبولىستى.
كرۋيز كەمەنىڭ تاعى ءبىر جولاۋشىسى كەمەدەگى باسسەيندە بولعان ەرەكشە جاعدايدى ايتتى. ەر ادام ەكى تۋريستىڭ دجاكۋزيدە شوقىنۋ ءراسىمىن جاساعانىنا كۋا بولعان. دەمالۋشىلاردىڭ ايتۋىنشا، سالت-ءداستۇر ءۇشىن ولار ءوز كونفەسسيالارىنىڭ وكىلدەرىمەن بىرگە ارنايى ساپارعا اتتانعان.
