قاراعاندىلىق ۆەلومارافونشى قازاقستاننىڭ رەكوردتار كىتابىنا ەندى
ۆەلوشەرۋدىڭ باستاماشىسى ءارى قاتىسۋشىسى قاراعاندىلىق ەرنات مەلس ۇلى 9 ساعات 56 مينۋت ىشىندە 150 شاقىرىمدى باعىندىرىپ، ەل رەكوردىن ورناتتى، دەپ حابارلايدى قازاقپارات ءتىلشىسى.
«وتكەن جىلى ىبىراي التىنساريننىڭ 180-جىلدىعى مەن تاۋەلسىزدىكتىڭ 30 جىلدىعىنا وراي استانادان قوستانايعا «ىبىرايدىڭ ىزىمەن» اتتى ۆەلوجارىس ۇيىمداستىردىم. مەنەن باسقا وعان تاعى ءتورت ادام قاتىستى. سول كەزدە مەن احمەت بايتۇرسىنوۆتىڭ 150 جىلدىعىنا وراي ۆەلومارافون ۇيىمداستىرۋعا بەل بۋدىم. 2015-جىلدان باستاپ مەن ۇنەمى ۆەلوسيپەدپەن جۇرەمىن - جۇمىستان ۇيگە جانە ۇيدەن جۇمىسقا. جىل باسىندا ءوزىمدى قىسقى ۆەلوشەرۋدە سىناپ كوردىم. ول ءۇشىن مەن ترياتلون پاركىن تاڭدادىم، وندا ارنايى ۆەلوسيپەد جولى بار. ءبىر شەڭبەر - ءۇش شاقىرىم. مەنىڭ رەكوردىم - 9 ساعات 56 مينۋتتا 150 كيلومەتر»، - دەيدى ەرنات.
ۆەلوشەرۋ قازاقستاننىڭ رەكوردتار كىتابىنا العاشقى قىسقى ۆەلومارافون رەتىندە ەندى. جەتىستىكتى باسىلىمنىڭ رەسمي وكىلى قۋاندىق قۇدايبەرگەنوۆ جازدى.
مارافونشى ءوزىنىڭ رەكوردىمەن احمەت بايتۇرسىنوۆتىڭ مەرەيتويىنا ۇلەس قوسقىسى كەلدى.
«مەن اباي، شاكارىم، احمەت، ءاليحاندى وقيمىن. مەنىڭ زەرتتەۋلەرىم ادەبي ەمەس، موتيۆاتسيالىق. ولاردىڭ شىعارماشىلىعى مەن ءومىرى اركىمدى مىقتى ادام جانە پاتريوت بولۋعا شاقىرادى. بيىلعى جىلعى ەڭ ۇلكەن ارمانىم - حالىقارالىق دەڭگەيگە شىعۋ. شەتەلگە بارعىم كەلەدى، ياعني حالىقارالىق ۆەلوجارىس وتكىزىپ، ونى احمەت بايتۇرسىنوۆتىڭ مەرەيتويىنا ارناعىم كەلەدى. ءوز جولىمدى اعارتۋشى تۋعان اقكول اۋىلىنان باستاپ، پاريجگە دەيىن جەتكىزۋدى جوسپارلاپ وتىرمىن. ۋاقىت ءالى بەلگىسىز، قازىر مارشرۋت جاساۋ ۇستىندە جۇمىس ىستەپ جاتىرمىن. الدىن الا ەسەپتەۋلەر بويىنشا مەن 13 ەلدەن ءوتۋىم كەرەك»، - دەيدى ەرنات.
