قازاقستاندىق سپورتشىلار تاعى قانداي ءىرى جارىستارعا قاتىسادى
بۇگىن نورۆەگيادا شاڭعى سپورتىنان جاستار اراسىنداعى الەم بىرىنشىلىگى باستالادى. بەيجىڭدە كوزگە تۇسكەن جاستاردىڭ كوبىسى تىكەلەي الەمدىك دوداعا اتتانباق.
اتالعان سىنعا قازاقستان اتىنان جاس سپورتشىلار قاتىسادى. كونكيمەن جۇگىرۋدەن قازاقستان كومانداسىن تاعى دا ۇلكەن سىناقتار كۇتىپ تۇر. 3 - ناۋرىز كۇنى ا ق ش- تىڭ حامار قالاسىندا الەم چەمپيوناتى وتەدى. نادەجدا موروزوۆا باستاعان سپورتشىلار تاعى دا ءوز كۇشىن بايقاپ كورمەك.
18-20- ناۋرىز ارالىعىندا شورت-ترەكشىلەر كانادانىڭ مونرەال قالاسىندا باس قوسادى. مۇندا كەزەكتى الەم بىرىنشىلىگى وتپەكشى.
الەم كۋبوگى مەن وليمپيادا قورىتىندىسىنا قاراپ، ءبىزدىڭ سپورتشىلاردىڭ جۇلدەگە تالاساتىن مۇمكىندىگى بارىن بايقايمىز.
قىسقى سپورت تۇرلەرىنەن قازاقستاندىق سپورتشىلار الەم كۋبوگى كەزەڭدەرىندە دە باق سىنايدى.
26-27- اقپان كۇندەرى رەسەيدىڭ ياروسلاۆل قالاسىندا شاڭعى اكروباتيكاسىنان الەم كۋبوگى كەزەڭى وتەدى. ال موگۋلشىلار جاپونياعا اتتانادى. بۇل كۇندەرى كەزەكتى الەمدىك دودا باستالادى.
سونداي-اق، شاڭعىمەن جارىسۋ، شاڭعىمەن تۇعىردان سەكىرۋ جانە شاڭعى قوسسايىسىنان سپورتشىلاردى حالىقارالىق جارىستار كۇتۋدە.
