قازاقستاندىق عالىمدار قىستا جولدى بۇلدىرمەي تازالايتىن مۇزجارعىش جاساپ شىعاردى
قار تازالاۋدىڭ جاڭا ءادىسى جولدار مەن تروتۋارلاردى زاقىمدامايدى جانە ادامداردى تايعاناپ قۇلاۋدان ساقتايدى، دەپ حابارلايدى قازاقپارات.
ءبىلىم جانە عىلىم مينيسترلىگى تاراتقان مالىمەتكە سەنسەك، مۇزجارعىش قازىردىڭ وزىندە بىرنەشە كاسىپورىندا قولدانىلىپ ءجۇر. وتاندىق ءونىم وسىعان دەيىن قولدانىستا بولعان شەتەلدىك انالوگتارعا قاراعاندا الدەقايدا ارزان.
«كوممۋنالدىق قىزمەتتەردىڭ جۇمىسىندا ەڭ قيىنى - اسفالتتاعى مۇزدىڭ سوڭعى قاباتىن الۋ. ەگەر ونى فرەزەرلىك ماشينالارمەن الاتىن بولساق - قازىپ نەمەسە كەسىپ الساق، وندا جول توسەنىشىنە زاقىم كەلۋى مۇمكىن. سونىڭ كەسىرىنەن اسفالت ناشارلاپ، پايدا بولعان جىرىققا سۋ جينالۋى مۇمكىن. ال سۋ جول بەتىن ءبۇلدىرىپ تاستايتىنى انىق. ياعني، ءبىز مۇزدان دا تولىق قۇتىلمادىق، جول توسەنىشىن دە ساقتاپ قالا المادىق. الدىمىزدا جول جابىنىن ساقتاپ، مۇزدى سىندىرۋ مىندەتى تۇردى. سول ءۇشىن مۇزجارعىشتى ويلاپ تاۋىپ، قۇراستىردىق. مۇزدى تولىعىمەن سىندىراتىن كۇشتەر مەن رەجيمدەر ەسەپتەلىپ، جولدىڭ نەمەسە جاياۋ جۇرگىنشى جولىنىڭ بەتى تولىعىمەن امان ساقتاپ قالدىق»، - دەيدى د. سەرىكبايەۆا اتىنداعى ش ق ت ۋ ماشينا جاساۋ مەكتەبىنىڭ پروفەسسورى، تەحنيكا عىلىمدارىنىڭ دوكتورى ميحايل دۋدكين.
دۋدكين مۇقيات تازالاۋ ءادىسىن جاپپاي قولدانۋ جىل سايىنعى جولداردى جوندەۋگە بيۋدجەت شىعىندارىن ازايتۋعا ىقپال ەتەتىنىن اتاپ ءوتتى. سونىمەن قاتار، ونەرتابىستىڭ ءوزى ارزان جوبا سانالادى.
«كونسترۋكسيا ۇلكەن شىعىندى قاجەت ەتپەيدى جانە جول شەتكاسىمەن بىرگە وڭاي جۇمىس ىستەي بەرەدى، ياعني جۇمىس مەحانيزمىنىڭ ءوزى عانا اۋىستىرىلادى. بۇل قۇرىلعىنىڭ باعاسىن ايتارلىقتاي تومەندەتەدى»، - دەيدى عالىم.
بۇگىنگى تاڭدا باسقا كومپانيالار دا وتاندىق عىلىمي ازىرلەمەگە قىزىعۋشىلىق تانىتا باستادى. قازىر عالىمدار جازعى- كۇزگى كەزەڭدە ءوز فۋنكسيالارىن پايدالانۋ ءۇشىن ماشينالاردى بەيىمدەۋ ۇستىندە.
