يران پارسى شىعاناعى ارقىلى الەمدەگى ەڭ ۇزىن تۋننەل سالماق
يران پرەزيدەنتى يبراحيم رايسيدىڭ كاتارعا ساپارى قارساڭىندا يراننىڭ جول جانە قالا قۇرىلىسى ءمينيسترى روستام گاسەمي تاراپتاردىڭ ترانزيت، كەمە قاتىناسى جانە اۋە كولىگى سالاسىندا ءتورت كەلىسىمگە قول قوياتىنىن مالىمدەدى.
ولاردىڭ اراسىندا - يراننىڭ دەيار قالاسىنداعى پورتىنان كاتار مەملەكەتىنە دەيىن تۋننەل سالۋ يدەياسى بار. دۇيسەنبى، 21- اقپاندا يران پرەزيدەنتى ەبراحيم رايسي رەسمي ساپارمەن كاتارعا باردى. بۇل ونىڭ بىلتىر تامىزدا قىزمەتىنە كىرىسكەننەن كەيىن پارسى شىعاناعىنداعى اراب مەملەكەتىنە جاساعان العاشقى ساپارى. ول سوڭعى 11 جىلدا كاتارعا بارعان العاشقى يران پرەزيدەنتى. سۋاستى تۋننەلى يراننىڭ دايەر پورتىن كاتارمەن بايلانىستىرادى جانە تەمىرجول مەن اۆتوموبيل ينفراقۇرلىمى دا بولادى. ونىڭ ۇزىندىعى 190 شاقىرىمعا سوزىلماق. اتاپ ايتقاندا، الەمدەگى ەڭ ۇزىن فرانسيا مەن ۇلى بريتانيانى جالعايتىن لا- مانشتاعى 38 شاقىرىم سۋاستى تۋننەلىنەن بەس ەسە ۇزىن بولماق.
اۆتورى: ارسەن ۋتەشيەۆ
