ەرالى توعجانوۆ قۇرلىقتاعى شەكارانى قايتا اشۋدى تاپسىردى

نۇر- سۇلتان. قازاقپارات - ق ر پرەمەر- ءمينيسترىنىڭ ورىنباسارى ەرالى توعجانوۆ اۋە جانە بارلىق قۇرلىقتاعى قاتىناستى قالپىنا كەلتىرۋگە دايىن ەكەنىمىزدى ايتتى، دەپ حابارلايدى قازاقپارات ءتىلشىسى.

«ءبىز اۋە جانە قۇرلىقتاعى بۇكىل قاتىناستاردى بارىنشا قالپىنا كەلتىرۋگە دايىنبىز»، - دەدى ە. توعجانوۆ ق ر مادەنيەت جانە سپورت مينيسترلىگىنىڭ تۋريزم سالاسى بويىنشا القا ماجىلىسىندە.

پرەمەردىڭ ورىنباسارى قازىرگى ۋاقىتتا 23 ەلمەن حالىقارالىق قاتىناس اياسىندا 78 مارشرۋت اشىلعانىن، ولاردىڭ اپتاسىنا 259 رەيس جيىلىگىمەن ورىندالاتىنىن اتاپ ءوتتى. 57 ىشكى مارشرۋت بويىنشا رەيستەر تولىعىمەن قالپىنا كەلدى جانە 65 تۇراقتى رەيس جۇرەدى.

«وسىعان بايلانىستى دەنساۋلىق ساقتاۋ، مادەنيەت جانە سپورت، سىرتقى ىستەر مينيسترلىكتەرىنە باسقا دا مۇددەلى ۆەدومستۆولارمەن بىرلەسىپ، اۋە جانە جەردەگى شەكارالاردىڭ اشىلۋىن پىسىقتاۋدى تاپسىرامىن»، - دەدى ەرالى توعجانوۆ.

سونىمەن بىرگە سپيكەر ءبىرقاتار ايماقتاردا كوروناۆيرۋس قارقىنى ءالى دە ارتىپ كەلە جاتقانىن اتاپ ءوتتى.

«قىتايعا قاتىستى بارلىق دەرەكتەر ۇكىمەت وتىرىسىندا ايتىلدى. بۇگىندە الەمنىڭ 37 ەلىندە ۆيرۋس ءورشىپ جاتىر. بۇل مالايزياعا دا قاتىستى - ءبىزدىڭ ازاماتتار سول ەلگە دە ءجيى بارادى، سوندىقتان ءالى دە بەلگىلى ءبىر پروبلەمالار بار. ءبىراق وسىعان قاراماستان بارىنشا جاعداي جاساۋعا تىرىسامىز»، - دەدى ەرالى توعجانوۆ.

اۆتور: ايجان سەرىكجان قىزى