پەتروپاۆل تۇرعىنى ۇلت ارازدىعىن قوزدىرعانى ءۇشىن سوتتالدى
سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، الەۋمەتتىك جەلىگە مونيتورينگ جۇرگىزۋ بارىسىندا ەكسترەميزمگە قارسى ءىس- قيمىل باسقارماسى قىزمەتكەرلەرىنىڭ نازارىن پەتروپاۆل تۇرعىنى اۋدارعان. ونىڭ «Facebook» - كە ورنالاستىرعان ماتەريالدارىنان، قالدىرعان جازبالارىنان ۇلت ارازدىعىن قوزدىرۋ ارەكەتى بايقالعان. جەدەل- ىزدەستىرۋ شاراسى ناتيجەسىندە وبلىس ورتالىعىنىڭ 37 جاستاعى تۇرعىنى انىقتالدى.
ەر ادام «Facebook» - تەن باسقا «Instagram» مەن «ۆكونتاكتە» الەۋمەتتىك جەلىلەرىندە دە سول سارىنداس جازبالار قالدىرىپ كەلگەن. فيلولوگيالىق ساراپتاما ول ورنالاستىرعان ماتەريالداردىڭ ەكسترەميزم سيپاتىنا يە ەكەندىگىن دالەلدەدى. پەتروپاۆل قالالىق سوتى ەر ادامدى كىنالى دەپ تاۋىپ، 7 جىلعا باس بوستاندىعىنان ايىردى. سوت ۇكىمى زاڭدى كۇشىنە ەندى.
«بيىل، وسىدان ءبىراز ۋاقىت بۇرىن ءوڭىردىڭ ەكى تۇرعىنى سوتتالدى. ولاردىڭ بىرەۋىنىڭ بوستاندىعى 3,5 جىلعا، ەكىنشىسىنىكى 4 جىلعا شەكتەلدى. سوندىقتان، ۇلت ارازدىعىن قوزدىرعاندارعا، ول مەيلى الەۋمەتتىك جەلى بولسىن، قاتاڭ جازا بارلىعىن ەسكە سالامىز. زاڭ بويىنشا ءىرى مولشەردە ايىپپۇلدان باستاپ، 7 جىلعا دەيىن باس بوستاندىعىنان ايىرۋ جازاسى كوزدەلگەن. ەگەر دە ونىڭ قىلمىستىق توپ قۇرامىندا ارەكەت ەتكەنى دالەلدەنسە نەمەسە اۋىر زارداپتارعا اكەلسە، جازا دا اۋىرلاپ، 20 جىلعا دەيىن باس بوستاندىعىنان ايىرىلادى»، - دەيدى س ق و پ د ەكسترەميزمگە قارسى ءىس- قيمىل باسقارماسىنىڭ باستىعى رۋسلان جاراسبايەۆ.
اۆتور: اقەركە داۋرەنبەك قىزى
