ب ۇ ۇ قاۋىپسىزدىك كەڭەسى ۋكراينا بويىنشا شۇعىل وتىرىس وتكىزدى

نۇر- سۇلتان. قازاقپارات - نيۋ- يوركتە بىرىككەن ۇلتتار ۇيىمى قاۋىپسىزدىك كەڭەسى ۋكرايناعا قاتىستى جاعدايعا ارناپ شۇعىل وتىرىس وتكىزدى.

باس حاتشىنىڭ ورىنباسارى رەسەيدىڭ ۋكراينا شىعىسىنداعى اۋماقتى «ەگەمەندى» دەپ مويىنداۋى - تاۋەلسىز ەلدىڭ جەر تۇتاستىعىنا قول سۇعۋ دەپ ايىپتادى.

روزماري دي كارلو ايماقتىق جانە عالامدىق تەرىس سالدار تۋدىراتىن شەشىمنىڭ قابىلدانعانىنا وكىنىش ءبىلدىردى. بىرىككەن ۇلتتار ۇيىمى بارلىق تاراپتاردى جاۋلىق ءىس- ارەكەتتى دەرەۋ توقتاتىپ، اتالعان داعدارىستى ديپلوماتيا جولىمەن شەشۋ ىسىنە تەز ارادا كىرىسۋگە شاقىردى.

روزماري ديكارلو، ب ۇ ۇ باس حاتشىسىنىڭ ساياسي ماسەلەلەر جونىندەگى ورىنباسارى:

- ۇلكەن قاقتىعىس قاۋپى ءتونىپ تۇر. كەز كەلگەن جولمەن وسى جانجالدىڭ الدىن الۋ كەرەك. باس حاتشى اتالعان داعدارىستى ديپلوماتيالىق جولمەن شەشۋ ماقساتىندا جۇمىس جۇرگىزۋگە مۇددەلى.

www.24.kz