كەدەندىك ايىپپۇل ا ە ك- پەن ەمەس، دەكلاراتسيالانباعان تاۋار قۇنىنىڭ سوماسىمەن ەسەپتەلەدى

نۇر- سۇلتان. قازاقپارات - ق ر قارجى ءمينيسترى ەرۇلان جاماۋبايەۆ ۇكىمەت وتىرىسىندا كەدەندىك ايىپپۇلداردى ايلىق ەسەپتىك كورسەتكىشپەن ەمەس، دەكلاراتسيالانباعان تاۋار قۇنىنىڭ سوماسىمەن ەسەپتەۋ جولعا قويىلاتىنىن ءمالىم ەتتى، دەپ حابارلايدى قازاقپارات ءتىلشىسى.

«بۇدان باسقا، شەكارا ماڭىنداعى تەمىرجول ستانسيالارىندا «قازاقستان تەمىر جولى» مەن مەملەكەتتىك كىرىستەر كوميتەتى اراسىنداعى بيزنەس- پروتسەستەردى جەڭىلدەتۋ، سونداي- اق مەملەكەتتىك كىرىستەر كوميتەتى، «قازاقستان تەمىر جولى» جانە ۇلتتىق قاۋىپسىزدىك كوميتەتى اقپاراتتىق جۇيەلەرىن ينتەگراتسيالاۋ جوسپارلانعان»، - دەدى ۆەدومستۆو باسشىسى.

مينيستر ەۋرازيالىق ەكونوميكالىق وداق ەلدەرىنەن قىتاي تاۋارلارىن اكەلۋ ماسەلەسىنە جەكە توقتالدى.

«قىرعىز تاراپىمەن قازاقستانعا اكەلىنەتىن تاۋارلار بويىنشا مالىمەتتەر الماسۋ جانە تاۋارعا ىلەسپە قۇجاتتاردا دۇرىس كورسەتىلۋى جونىندە كەلىسسوز ءجۇرىپ جاتىر. قىرعىزستان مەن رەسەيدەن اكەلىنەتىن تاۋارلاردىڭ تىزبەسىن كەڭەيتۋ جوسپارلانىپ وتىر. ولارعا ەۋرازيالىق ەكونوميكالىق وداق ەلدەرىنەن قوسىلعان قۇن سالىعىن تولەۋدىڭ تولىقتىعىن قامتاماسىز ەتۋ ءۇشىن باعانىڭ ەڭ تومەنگى دەڭگەيىن باقىلاۋ قولدانىلاتىن بولادى. ۋاكىلەتتى ەكونوميكالىق وپەراتورلارعا قويىلاتىن بىلىكتىلىك تالاپتارى زاڭنامالىق تۇردە كۇشەيتىلۋ جوسپارلانۋدا. سونداي- اق، كەدەن سالاسىنداعى بۇزۋشىلىقتار ءۇشىن اكىمشىلىك جاۋاپكەرشىلىك كۇشەيتىلەدى. مۇندا ايلىق ەسەپتىك كورسەتكىشپەن ايىپپۇلدىڭ ورنىنا دەكلاراتسيالانباعان تاۋارلار سوماسىنا پروتسەنتتىك قاتىناستاعى ايىپپۇل ەنگىزۋ كوزدەلەدى»، - دەدى ەرۇلان جاماۋبايەۆ.

اۆتور: ەسىمجان ناقتىباي