ۋتيليزاتسيا الىمىنىڭ وزگەرۋى كولىك باعاسىن ارزانداتپايدى - قايىربەك وسكەنبايەۆ

نۇر- سۇلتان. قازاقپارات - ق ر يندۋستريا جانە ينفراقۇرىلىمدىق دامۋ ءمينيسترى ۋتيليزاتسيا الىمىنىڭ وزگەرۋى كولىك باعاسىن ارزانداتپايتىنىن ايتتى، دەپ حابارلايدى قازاقپارات ءتىلشىسى.

«ۋتيل الىمدارىن الىپ تاستاسا، كولىك باعاسى تومەندەي مە دەگەن سۇراق ءجيى قويىلىپ ءجۇر. ستاتيستيكاعا جۇگىنەيىكشى، وزىمىزدەن شىققان كولىكتەرگە ءبىر تيىن دا ۋتيليزاتسيالىق الىم تولەنبەيدى. بىلتىر 105043 جەڭىل كولىك ساتىلسا، ونىڭ 64 پايىزى ءوزىمىزدىڭ ءونىم بولعاندىقتان، ۋتيليزاتسيالىق الىم تولەنگەن جوق. تراكتوردىڭ 89 پايىزى، كومباينداردىڭ 88 پايىزى، اۆتوبۋستاردىڭ 74 پايىزى وزىمىزدە شىققان. سول سەبەپتى وزىمىزدەن شىعاتىن ونىمدەردىڭ باعاسىنا ۋتيليزاتسيالىق الىمنىڭ ەشقانداي اسەرى بولمايدى. ياعني، باعا سول كۇيىندە قالادى»، - دەدى ول ۇكىمەت وتىرىسىنان كەيىن وتكەن بريفينگىدە.

سونداي- اق، ول ۋتيل الىم ساياساتىنىڭ وزگەرۋى شەتەلدە وندىرىلگەن كولىكتىڭ باعاسىنا نەگە اسەر ەتپەيتىنىن ءتۇسىندىردى.

«شەتەلدەن كەلەتىن كولىكتەردىڭ باعاسىن دا ەرتەڭىندە تۇسىرەدى دەپ ايتۋعا ەش نەگىز كورىپ وتىرعان جوقپىن. مىسالى، جول تالعامايتىن قىمبات كولىك اكەلسە، ءوز قالتاسىنا سالاتىن قۇنى وسەدى دە، حالىق ءۇشىن ارزاندامايدى دەپ ويلاپ وتىرمىن»، - دەدى مينيستر.

اۆتور: ەسىمجان ناقتىباي