قاڭتار وقيعاسى: ادام قۇقىقتارى جونىندەگى ۋاكىل قاماۋداعى شەتەلدىكتەردىڭ سانىن ايتتى

نۇر- سۇلتان. قازاقپارات - قازاقستانداعى ادام قۇقىقتارى جونىندەگى ۋاكىل ەلۆيرا ءازىموۆا قاڭتار وقيعاسىنا بايلانىستى قاماۋدا وتىرعان شەتەلدىكتەردىڭ سانىن ايتتى دەپ حابارلايدى قازاقپارات ءتىلشىسى.

«قازىرگى تاڭدا جاپپاي تارتىپسىزدىكتەرگە بايلانىستى ۋاقىتشا ۇستاۋ يزولياتورلارىندا 18 شەتەلدىك ازامات بار. ونىڭ 14- ءى وزبەكستاننىڭ، ەكەۋى رەسەيدىڭ جانە تاعى ەكەۋى قىرعىزستاننىڭ ازاماتتارى»، - دەدى ۋاكىل.

سونداي- اق، ول قاماۋداعىلاردى ۇستاۋ جاعدايى تۋرالى مالىمەتتەر ايتتى.

«6 - قاڭتاردان كەيىنگى العاشقى 48 ساعات ىشىندە ۋاقىتىندا اۋىزسۋ بەرىلمەگەن، تاماقتى جەتكىلىسزى بەرگەن جايتتار انىقتالدى. ۋاقىتشا ۇستاۋ يزولياتورىنلارىندا ادامداردىڭ بارىنشا كوپتىگىمەن بايلانىستى پروبلەمالار بولعان. كەيىن احۋال رەتتەلدى. 10 - قاڭتاردان باستاپ ۇستالعانداردىڭ بارىنە ۇيدەن سالەمدەمە الۋعا رۇقسات بەرىلدى. بۇگىندە تاماقتانۋ نورماتيۆى ساقتالىپ وتىر. ءبىراق تاماقتىڭ ساپاسىنا بايلانىستى بىرنەشە شاعىم بار»، - دەدى ەلۆيرا ءازىموۆا.