قازاقستاننان كارتوپ پەن ءسابىزدى الىپ شىعۋعا شەكتەۋ الىنىپ تاستالدى
بۇل تۋرالى ق ر ق م مەملەكەتتىك كىرىستەر كوميتەتىندە حابارلادى.
وسىعان دەيىن، 2022 -جىلدىڭ 22-قاڭتارىنان باستاپ الەۋمەتتىك ماڭىزى بار ساۋدا- ساتتىق تاۋارلارىنىڭ باعاسىن ىرىقتاندىرۋ ماقساتىندا سىرتقا الىپ كەتۋگە شەكتەۋ قويىلعان بولاتىن.
2022 -جىلعى 28-قاڭتاردا وتكەن سىرتقى ساۋدا ساياساتى جانە حالىقارالىق ەكونوميكالىق ۇيىمداردا قاتىسۋ ماسەلەلەرى بويىنشا ۆەدومستۆوارالىق كوميسسيا وتىرىسىنىڭ قورىتىندىلارى بويىنشا قازاقستان رەسپۋبليكاسى اۋماعىنان كارتوپتى جانە ءسابىزدى اكەتۋگە قولدانىستاعى تىيىم سالۋدى الىپ تاستاۋ، 144,5 مىڭ توننا كولەمىندە كارتوپتى (س ە ق ت ن كودى 070190) جانە 57,5 مىڭ توننا كولەمىندە تۇقىمدىق كارتوپتى (س ە ق ت ن كودى 0701100000) اكەتۋگە ا. ج. 1-مامىرىنا دەيىنگى مەرزىمگە ساندىق شەكتەۋدى ءبىر مەزگىلدە ەنگىزۋ بويىنشا شەشىم قابىلداندى.
ۆ ا ك شەشىمى نەگىزىندە قازاقستان رەسپۋبليكاسى اۋىل شارۋاشىلىعى ءمينيسترىنىڭ «قازاقستان رەسپۋبليكاسى اۋماعىنان جەكەلەگەن تاۋارلاردى اكەتۋدىڭ كەيبىر ماسەلەلەرى تۋرالى» 2022 -جىلعى 18-اقپانداعى № 44-بۇيرىعى قابىلداندى بۇل بۇيرىققا سايكەس، كورتوپتى سىرتقا الىپ كەتۋگە كۆوتا بەكىتىلگەن.
