شىمكەنتتەگى بالالار اۋرۋحاناسىندا العاش رەت ميدىڭ قاتەرلى ىسىگىنە كۇردەلى وتا جاسالدى
بىلىكتى ماماندار كومانداسى 16 جاسار قىزدىڭ باس سۇيەگىندەگى ىسىكتى الىپ تاستاۋ ءۇشىن جەتى ساعات بويى اشىق تۇردە وتا جاساعان. كۇردەلى وتاعا جوعارى ساناتتاعى نەيروحيرۋرگ دارىگەرلەر سامات كوكشيبايەۆ پەن تاڭسىق ابدۋللايەۆ قاتىستى. دارىگەرلەر ناۆيگاتسيالىق جۇيە مەن اۋرۋحاناعا جاڭادان ورناتىلعان ميكروحيۋرگيالىق اپپاراتتىڭ كومەگىمەن ناۋقاستىڭ سول جاق باس سۇيەگىندەگى ىسىكتى الدى. قازىر جاس ءوسپىرىمنىڭ جاعدايى قالىپتى.
«ناۋقاس ونكولوگ جانە نەيروحيرۋرگ دارىگەرلەرىنىڭ قاراۋىندا بولدى. پاتسيەنتكە 17-اقپان كۇنى وتا جاسادىق. مۇنداي وتا قالالىق كلينيكالىق بالالار اۋرۋحاناسىندا العاش رەت وتكىزىلدى. اۋرۋحاناعا جەرگىلىكتى بيۋدجەت ەسەبىنەن جاڭا ميكروحيۋرگيالىق اپپاراتى الىنعان. وتا كەزىندە وسى قوندىرعىنى قولداندىق. ەندى وسى اپپاراتتىڭ كومەگىمەن كۇردەلى وتالاردى جاساپ، ناۋقاس بالالاردىڭ ءومىرىن امان الىپ قالۋعا بارىمىزدى سالامىز»، - دەيدى نەيروحيۋرگ سامات كوكشيبايەۆ. 16 جاستاعى پاتسيەنت ەندى اۋرۋحانانىڭ ونكوحيرۋرگ مامانى جەڭىس سارسەنوۆتىڭ باقىلاۋىندا ەمىن جالعاستىراتىن بولادى.
اۆتور: قايرات زاينيشەۆ
