بورتسەرىك كاسىبىنىڭ جاعىمسىز لاقاپ اتىنا رەنجىدى جانە جەلىدە قولداۋ تاپتى

نۇر -سۇلتان. قازاقپارات - كانادالىق اۋەكومپانيالاردىڭ بورتسەرىگى سوڭعى رەيس كەزىندە جولاۋشى وعان قانداي لاقاپ ات بەرگەنىن ايتتى.

قىز ۆيدەو ءتۇسىرىپ، TikTok جەلىسىندە ءبولىستى، - دەپ حابارلايدى Kaz.tengritravel.kz ءتىلشىسى.

ۆيدەودا قىز جاقىندا ءبىر جولاۋشى ونى «داياشى» دەپ اتاعانىن مالىمدەدى. بورتسەرىكتىڭ ايتۋىنشا، بۇل ۇشۋ ەكيپاجىنىڭ مۇشەلەرى ءۇشىن جاعىمسىز لاقاپ ات. ونىڭ روليگى تەز تاراپ، بەس كۇندە شامامەن 129 مىڭ رەت قارالدى.

جەلى پايدالانۋشىلارى جولاۋشىنىڭ ادەپسىزدىگىنە نارازى بولىپ، اۋەكومپانيا قىزمەتكەرىنە قولداۋ ءبىلدىردى.

«بورتسەرىكتەر كوفە اكەلۋدەن باسقا دا كوپ نارسە ىستەيدى. ءسىز قاۋىپسىزدىك نۇسقاۋىنان ءوتتىڭىز جانە ۇشاق ەۆاكۋاتسيالانعان جاعدايدا نە ىستەۋ كەرەگىن بىلەسىز»، «ادامدار اياۋسىز. ءسىز قانشا قورلاۋدى ەستىگەنىڭىزدى ەلەستەتە المايمىن»، - دەپ جازدى ولار.