اقتوبەدە تەحنيكالىق قىزمەت كورسەتۋ ورتالىعىنداعى جارىلىستان سوڭ قىلمىستىق ءىس قوزعالدى
اقتوبە قالاسىنداعى تەحنيكالىق قىزمەت كورسەتۋ ورتالىعىندا قازىر ءۇيىندى استىندا قالعان كولىكتەردى شىعارۋ جۇمىستارى جۇرگىزىلىپ جاتىر.
وبلىستىق ت ج د باستىعىنىڭ ورىنباسارى قايرات قاسىمنىڭ ايتۋىنشا، حابار تۇسكەن كەزدە كورشى عيماراتتاعى كۇزەتشىنىڭ ايتۋىمەن ىزدەۋ-قۇتقارۋ جۇمىستارى جۇرگىزىلگەن. ءۇيىندى استىندا قالعان كۇزەتشىنىڭ ورنى انىقتالعان سوڭ دەنەسى شىعارىلدى.
«بارلىعى 174 ادام، 25 تەحنيكا وقيعا ورنىنا كەلىپ، جۇمىس ىستەدى. وقيعا تۇندە بولعان سوڭ عيمارات ىشىندە تەك كۇزەتشى عانا بولعان»، - دەدى وبلىستىق ت ج د باستىعىنىڭ ورىنباسار قايرات قاسىم. قازىرگى كەزدە 11 اۆتوكولىكتىڭ ءۇيىندى استىندا قالعانى بەلگىلى بولىپ وتىر.
«اقتوبە وبلىسىنىڭ پوليتسيا دەپارتامەنتى قىلمىستىق كودەكستىڭ «ءورت قاۋىپسىزدىگى تالاپتارىن بۇزۋ» بابى بويىنشا سوتقا دەيىنگى تەرگەۋدى باستادى»، - دەدى وبلىستىق پ د باسپا ءسوز قىزمەتى.
اۆتور: التىناي ساعىندىقوۆا
