اقتوبەدەگى جارىلىستىڭ سەبەبى انىقتالادى

نۇر-سۇلتان. قازاقپارات - اقتوبە قالاسىنداعى تەحنيكالىق قىزمەت كورسەتۋ ستانسالارىنىڭ بىرىندە جارىلىس بولىپ، كۇزەتشى كوز جۇمدى.

بۇل تۋرالى ق ر توتەنشە جاعدايلار ءمينيسترى يۋري يلين ۇكىمەت وتىرىسىنان كەيىنگى بريفينگىدە ايتتى، دەپ حابارلايدى قازاقپارات ءتىلشىسى.

«بۇگىن تاڭعى ساعات 4 كەزىندە اقتوبەدەگى «التاير» تەحنيكالىق قىزمەت كورسەۋ ستانساسىنىڭ جالپى اۋدانى 1000 شارشى مەتر بولاتىن قوسقاباتتى عيماراتىندا گازبەن اۋا قوسپاسىنىڭ جارىلىسى بولدى. عيماراتتىڭ 600 شارشى مەتردەي بولىگى قيرادى. الدىن الا نۇسقا بويىنشا بويىنشا گاز بەن اۋا قوسپاسى سىرتقا تاراعان. ونىڭ ىشىندە سونداعى كولىكتەن دە تاراعان»، - دەگەن مينيستر اپات سالدارىنان كىسى ءولىمى تىركەلگەنىن ءمالىم ەتتى.

«وسى جەردە ارىپتەسىمنىڭ اقپاراتىن تىڭداپ وتىرعان كەزدە وڭىرلىك دەپارتامەنت باسشىسى ماعان شۇعىل اقپارات بەردى. عيماراتتى كۇزەتكەن كۇزەتشىنىڭ دەنەسى تابىلعان. ۇيىندىلەردىڭ اراسىنان ارشىپ الىندى. ءولىم جاعدايى تىركەلىپ وتىر. بۇل فاكتى بويىنشا ءارى قارايعى تەرگەۋ مەن وقيعا سەبەپتەرى تۋرالى جەكە حابارلانادى»، - دەدى مينيستر.