مۋنگيا گولوۆكين مەن ءالىمحان ۇلى اراسىندا تاڭداۋ جاسادى

نۇر- سۇلتان. قازاقپارات - ءبىرىنشى ورتا ساناتتاعى الەمنىڭ ەكس- چەمپيونى حايمە مۋنگيانىڭ قارسىلاسى اتانۋعا ورتا سالماقتاعى چەمپيون، قازاقستاندىق گەننادي گولوۆكيننىڭ مۇمكىندىگى ەكىنشى وتانداسىمىز جانىبەك ءالىمحان ۇلىنا قاراعاندا اناعۇرلىم جوعارى.

مۇنداي بولجامدى Ringnews24.com شولۋشىسى دجەرەمايا پرەيسسەر جاسادى. قازاقپارات بۇل تۋرالى ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىنا سىلتەمە جاساپ حابارلايدى.

وتكەن تاياۋ كۇندەرى ح. مۋنگيا امەريكالىق ديميتريۋس باللاردتى نوكاۋتپەن جەڭىپ، گولوكينگە قارسى رينگكە شىعۋ نيەتىن ءبىلدىردى. ج. ءالىمحان ۇلى دا مەكسيكالىق پانچەرمەن كۇش سىناسقىسى كەلەتىنىن ايتىپ، ونى «جەڭىل جۇمىس» دەپ اتادى.

⠀ «مەنىڭ ويىمشا، ادامەس نەمەسە گولوۆكين (مۋنگيانىڭ كەلەسى قارسىلاسى) بولادى. ءدال قازىر الىمحان ۇلىمەن ايقاس - بۇل وتە تومەن سىياقى ءۇشىن قاۋىپ- قاتەرى جوعارى جەكپە- جەك، ال چارلومەن ۆاريانت - ەكىتالاي. Golden Boy بارىنەن دە گولوۆكيندى قالاپ وتىرعانىنا سەنىمدىمىن»، - دەپ جازدى پرەيسسەر.