08:53, 22 - اقپان 2022 | GMT +5
پۋتين دونەسك حالىق رەسپۋبليكاسى مەن لۋگانسك حالىق رەسپۋبليكاسىنىڭ ەگەمەندىگىن مويىنداۋ تۋرالى جارلىققا قول قويدى
نۇر-سۇلتان.قازاقپارات - رەسەي پرەزيدەنتى ۆلاديمير پۋتين دونەسك حالىق رەسپۋبليكاسى مەن لۋگانسك حالىق رەسپۋبليكاسىنىڭ ەگەمەندىگىن مويىنداۋ تۋرالى جارلىققا قول قويدى.
شارا بۇعان دەيىن رەسەي فەدەراتسياسى قاۋىپسىزدىك كەڭەسىنىڭ وتىرىسى وتكەن كرەملدىڭ ەكاتەرينا زالىندا ءوتتى. وعان رەسمي تۇردە مويىندالعان رەسپۋبليكالاردىڭ باسشىلارى پاسەچنيك پەن پۋشيلين قاتىستى. تاراپتار اراسىنداعى دوستىق، ىنتىماقتاستىق جانە كومەك تۋرالى كەلىسىم جاساستى.
ايتا كەتەيىك، بۇعان دەيىن پۋتين تەلەۇندەۋىندە دونەسك حالىق رەسپۋبليكاسى مەن لۋگانسك حالىق رەسپۋبليكاسىنىڭ تاۋەلسىزدىگى مەن ەگەمەندىگىن مويىنداۋ تۋرالى ماسەلەدە دەرەۋ شەشىم قابىلدايتىنىن حابارلاعان بولاتىن. پۋتيننىڭ بۇل ارەكەتىن ەۋروپا باسشىلارى قاتاڭ سىنعا الدى. ساياساتكەرلەر رەسەيدىڭ بۇل شەشىمى حالىقارالىق قۇقىقتى بۇزىپ «مينسك كەلىسىمدەرىن توقتاتادى» دەگەندى العا تارتتى.
www.24.kz
