ساراپشىلار: تۇركياداعى دەمالىس ەكى ەسە قىمباتتاۋى مۇمكىن
سونىڭ سالدارىنان جىل باسىنان بەرى ەلەكتر ەنەرگياسى كۇرت قىمباتتاعان. ول ازداي ازىق- تۇلىك باعاسى شارىقتاپ كەتكەن. سوعان بايلانىستى قوناق ءۇي يەلەرىنىڭ شىعىندارى دا ارتقان. جەرگىلىكتى دۋنيا باسىلىمى مەيمانحانالاردا ەلەكتر ەنەرگياسىنىڭ قۇنى 2 ەسە وسكەنىن حابارلايدى. سوندىقتان ولار قازىردىڭ وزىندە باعانى كوتەرۋگە ءماجبۇر بولىپ وتىر.
فارۋح ەلمالى، «Turder» تۋريستىك قاۋىمداستىعىنىڭ ءتوراعاسى:
- الەمنىڭ وزگە ەلدەرىندەگىدەي تۇركيانىڭ قىزمەت كورسەتۋ سەكتورىندا دا باعا قىمباتتادى. ينفلياتسيانىڭ ءوسۋى سالدارىنان جۇمىسشىلاردىڭ جالاقىسى سەكىلدى وزگە دە شىعىن ارتتى. سوندىقتان تۋريزم سەكتورىندا دا باعا وزگەرەدى. دەگەنمەن دەمالىس ءۇشىن ءدال ءبىزدىڭ ەلدى تاڭدايتىن مەملەكەتتەر ءتىزىمى بەلگىلى. ول ەلدىڭ ازاماتتارىنا بالامالى جولداردى ۇسىنامىز. ماسەلەن، الدىن الا برونداۋ ارقىلى ايتارلىقتاي جەڭىلدىككە قول جەتكىزۋگە بولادى.
جالپى بيىلعى ماۋسىمنىڭ دەمالىس باعاسى بىلتىرمەن سالىستىرعاندا 30-40 پروتسەنتكە جوعارى.
ناۋرىزدا ساياحاتشىلار ءۇشىن شەكتەۋ جەڭىلدەتىلەدى
تۋريزم - ۆەتنام ەكونوميكاسى ءۇشىن ماڭىزدى سالانىڭ ءبىرى. ەگەر پاندەمياعا دەيىن مۇندا 18 ميلليون دەمالۋشى كەلگەن بولسا، 2020 -جىلى بۇل كورسەتكىش 150 مىڭعا دا جەتپەگەن. سوندىقتان بيلىك ءتۋريزمدى قالپىنا كەلتىرۋ ءۇشىن وتكەن جىلدىڭ سوڭىندا ارنايى پيلوتتىق جوبانى ىسكە قوسقان ەدى. قاتاڭ سانتيرالىق حاتتامالاردى ساقتاۋ ارقاسىندا مۇندا 9 مىڭعا جۋىق شەتەلدىك دەمالۋشى كەلىپتى. ساراپشىلار جوبا وڭ ناتيجەسىن بەرگەنىن ايتادى. سوندىقتان ۇكىمەت ەندى الەمنىڭ 101 ەلىنىڭ ساياحاتشىسى ءۇشىن شەكتەۋ شارالارىن جەڭىلدەتۋ جوباسىن ماقۇلدادى. ءتيىستى ەرەجە 15 ناۋرىزدا كۇشىنە ەنەدى.
دۋباي - 2022 جىلدىڭ ەڭ تانىمال باعىتى
ال دۋباي 2022 -جىلدىڭ ەڭ تانىمال باعىتى دەپ تانىلدى. رەيتينگتى «تريپەدۆايزور» ساياحاتتى ونلاين برونداۋ پورتالى جاساعان. وسىلايشا امىرلىك بۇل تىزىمدە لوندوندى، بالي مەن كريت ارالدارىنان باسىپ وزعان. ساراپشىلار دۋبايدىڭ وسىنشاما تانىمال بولۋىن كوروناۆيرۋسقا قارسى ۆاكسينالاۋدىڭ جوعارى كورسەتكىشتەرى جانە قىلمىستىڭ تومەن دەڭگەيىمەن بايلانىستىرىپ وتىر.
اۆتورى: جۇلدىز اتاگەلدييەۆا
