الماتىدا جەتىنشى بالاسىنا جۇكتى ايەل كۇيەۋىمەن بىرگە قارۋ-جاراق ۇرلاعان
اۋەزوۆ اۋداندىق پ ب جانىنداعى پوليتسيا ءبولىمىنىڭ مالىمەتىنشە، جەتىنشى بالاسىن كۇتىپ جۇرگەن ايەل كۇيەۋىنە مىلتىق، تاپانشا، پاتروندار جانە باسقا دا وق-ءدارى ۇرلاۋعا كومەكتەسكەن.
- ءۇيدىڭ ءىشىن ءتىنتۋ كەزىندە تاركىلەنگەندەردىڭ اراسىندا توعىز سايگا ستۆولى، ەكى مىلتىق، ۆينتوۆكا، تاپانشا، پاتروندار، رەزەڭكە دۋبينكا، اعاش بيتالار، ساپەر كۇرەگى مەن راديوستانتسيالار بولدى.
25 جاستاعى ت. ەسىمدى جىگىت ۇرلانعان قارۋ- جاراق سالىنعان بۋمالاردى جەكە ءۇيىنىڭ الدىنداعى اۋماققا كومگەن. سونداي-اق، كۇدىكتىنىڭ مىنگەن كولىگى دە انىقتالدى.
بۇل كەزدە ونىڭ قاسىندا ايەلى بولعان، ول كۇيەۋىنىڭ ويلانباي جاساعان ارەكەتىن، قىلمىس جاساۋىن توقتاتۋدىڭ ورنىنا ۇرلانعان زاتتار سالىنعان جاشىكتەردى كولىككە تيەۋگە بەلسەنە كومەكتەسكەن، - دەدى الماتى قالالىق پوليتسيا دەپارتامەنتى باسشىسىنىڭ ورىنباسارى بەرىك ابىلبەكوۆ.
زاتتاي ايعاقتار تاركىلەندى. اتالعان دەرەك ق ر ق ك- ءنىڭ 291-بابى 3-بولىگىمەن كۆاليفيكاتسيالانعان. ايەلدىڭ ارەكەتىنە قۇقىقتىق باعا بەرىلەدى.
