كوروناۆيرۋس: قازاقستاندا ەپيدەميولوگيالىق جاعداي جاقسارىپ كەلەدى

نۇر-سۇلتان. قازاقپارات - ق ر دەنساۋلىق ساقتاۋ ۆيتسە-ءمينيسترى - قازاقستان رەسپۋبليكاسىنىڭ باس مەملەكەتتىك سانيتار دارىگەرى ايجان ەسماعامبەتوۆا ەلدەگى ەپيدەميولوگيالىق جاعدايدى باياندادى، دەپ حابارلايدى قازاقپارات.

«بۇگىن ەلىمىزدە كوروناۆيرۋس ينفەكتسياسى بويىنشا ەپيدەميولوگيالىق جاعداي جاقسارىپ كەلەدى. سوڭعى ەكى اپتامەن سالىستىرساق، سىرقاتتانۋ دەڭگەيى 4,7 گە تومەندەدى. ال ستاتسيوناردا ەم الاتىن ناۋقاستار سانى ەكى ەسە ازايدى. امبۋلاتوريالىق جاعدايدا ەم الاتىندار سانى 4 ەسە قىسقاردى»، - دەدى ايجان ەسماعامبەتوۆا ق ر د س م ۇيىمداستىرعان ونلاين دارىستە.

سپيكەردىڭ ايتۋىنشا، ەلىمىزدە ۆاكسينالاۋ جانە ريەۆاكسينالاۋ جۇمىسى جالعاسىپ جاتىر.

«بۇگىنگى كۇنى قازاقستاندا كوروناۆيرۋسقا قارسى ۆاكسينانىڭ ءبىرىنشى كومپونەنتىن 10 ميلليوننان استام قازاقستاندىق الدى. بۇگىنگى كۇنى ەگىلۋگە ءتيىستى ەرەسەك تۇرعىنداردى ۆاكسينامەن قامتۋ - 82 پايىزدى، جالپى حالىقتىڭ 53 پايىزىن قۇرادى. 2 ميلليون 400 مىڭعا جۋىق ادام ريەۆاكسيناتسيادان ءوتتى. ول اقپان ايىندا ەگىلۋگە ءتيىستى حالىقتىڭ 52 پايىزىن قامتىدى. بۇل كورسەتكىش جامان ەمەس»، - دەدى باس مەملەكەتتىك سانيتار دارىگەر.