قاڭتار وقيعاسىنا قاتىستى ۇستالعاندار كوبىنە ۇرلىق فاكتىسىمەن ءىستى بولدى

نۇر- سۇلتان. قازاقپارات - 107 كۇدىكتىگە قاتىستى قىلمىستىق ىستەر ايىپتاۋ اكتىلەرىمەن اياقتالدى. بۇل تۋرالى ءى ءى م تەرگەۋ دەپارتامەنتىنىڭ باستىعى سانجار ءادىلوۆ ايتتى، دەپ حابارلايدى قازاقپارات ءتىلشىسى.

«ىشكى ىستەر ورگاندارى تەرگەۋشىلەرى تاراپىنان قاڭتار وقيعالارى بويىنشا 107 كۇدىكتىگە قاتىستى (88 قىلمىستىق ءىس) قىلمىستىق ىستەر ايىپتاۋ اكتىلەرىمەن اياقتالدى. بۇل ىستەردىڭ دە نەگىزگى بولىگىن ۇرلىقتار - 65، قارۋدى زاڭسىز ساقتاۋ فاكتىلەرى - 11، ولاردى ۇرلاۋ - 7 جانە وزگەلەر قىلمىستار قۇرايدى»، - دەدى س. ءادىلوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، سوتقا 86 ايىپتالۋشى بەرىلدى.

«بۇگىن ەلىمىزدە سوتتار جەكە باسىن جانە جاساعان قىلمىس اۋىرلىعىن ەسكەرە وتىرىپ، 52 ادامدى سوتتادى. ولاردىڭ 39-ى باس بوستاندىعىن شەكتەۋگە، 13- ءى باس بوستاندىعىنان ايىرۋعا، ال 2 ادامعا قاتىستى تاراپتار تاتۋلاسۋىنا بايلانىستى توقتاتىلدى»، - دەدى س. ءادىلوۆ.

اۆتور: رۋسلان عابباسوۆ