ۇرلانعان قارۋدى ساتۋ فاكتىلەرى انىقتالدى - سانجار ءادىلوۆ

نۇر- سۇلتان. قازاقپارات - قىلمىسكەرلەردىڭ ۇرلانعان قارۋدى ساتۋ فاكتىلەرى انىقتالدى. بۇل تۋرالى ق ر ءى ءى م تەرگەۋ دەپارتامەنتىنىڭ باستىعى سانجار ءادىلوۆ ايتتى، دەپ حابارلايدى قازاقپارات ءتىلشىسى.

«قىلمىسكەرلەردىڭ ۇرلانعان قارۋدى ساتۋ فاكتىلەرى انىقتالدى. 18 - اقپاندا جامبىل وبلىسىنىڭ بايزاق اۋدانىندا جەدەل ءىس- شارالار بارىسىندا ۇرلانعان كالاشنيكوۆ اۆتوماتىن ساتۋ بارىسىندا تاراز قالاسىنىڭ 45 جاسار تۇرعىنىن كريمينالدىق پوليتسيا قىزمەتكەرلەرى ۇستادى. جەكە ءتىنتۋ كەزىندە كۇدىكتىدەن قارۋدى ساتۋدان تۇسكەن 300 مىڭ تەڭگە، ال اۆتوماشينا سالونىنان ەكى كالاشنيكوۆ اۆتوماتى وق- دارىسىمەن تاركىلەندى»، - دەدى س. ءادىلوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، ءتۇسىندىرۋ جۇمىستارى ناتيجەسىندە ادامدار 100-دەن اسا قارۋدى ەرىكتى تۇردە تاپسىردى.

«قارۋدى ەرىكتى تۇردە تاپسىرعان ادام، ەگەر ونىڭ ارەكەتتەرىندە باسقا قىلمىس قۇرامى بولماسا، قىلمىستىق جاۋاپكەرشىلىككە تارتىلمايتىنىن ەستەرىڭىزگە سالامىن»، - دەدى س. ءادىلوۆ.

بۇدان بۇرىن حابارلانعانداي، قاڭتار وقيعاسى كەزىندە ۇرلانعان قارۋدى، تابىلۋىنا قاتىستى جاڭا دەرەكتەرىن ايتىلدى.

اۆتور: رۋسلان عابباسوۆ