17:02, 21 - اقپان 2022 | GMT +5
بايدەن مەن پۋتين كەزدەسۋ تۋرالى كەلىستى
نۇر- سۇلتان. قازاقپارات - ۆلاديمير پۋتين مەن دجو بايدەن فرانسيادا وتەتىن ەكى جاقتى سامميتتە جۇزدەسۋگە ۋاعدالاستى.
ەليسەي سارايىنىڭ باسپا ءسوز حاتشىسى حابارلاعانداي، سامميت وتكىزۋ ۇسىنىسىن فرانسيا پرەزيدەنتى ەممانيۋەل ماكرون جاسادى.
شارادا ەۋروپاداعى قاۋىپسىزدىك پەن ستراتەگيالىق تۇراقتىلىق ماسەلەسى تالقىلانباق. كەلىسسوزدە كوتەرىلەتىن تاقىرىپتار ءتىزىمىن رەسەيدىڭ سىرتقى ىستەر ءمينيسترى سەرگەي لاۆروۆ پەن ا ق ش- تىڭ مەملەكەتتىك حاتشىسى ەنتوني بلينكەن دايىندايدى.
ايتا كەتەيىك، مالىمدەمەدە سامميت رەسەي ۋكرايناعا باسىپ كىرمەسە عانا وتەدى دەلىنگەن. رەسەي بولسا بۇنداي جوسپاردىڭ جوق ەكەنىن تالاي رەت ەسكەرتكەنىن حابارلادى.
www.24.kz